GIHATAGAN sab og pahalipay sa MVP Sports Foundation (MVPSF) ang mga coach sa national boxing team ubos sa Association of Boxing Alliances in the Philippines (Abap) gumikan sa malampusong paggiya niini sa Pinoy nga mga boksidor sa miaging Tokyo Olympics.
Ang MVPSF mibuhi og P6 million aron bahinon sa Abap coaches nga dili ikalimod adunay dakong natampo aron makalangkat og silver medals sila si Nesthy Petecion ug Carlo Paalam samtang bronze medal kang Eumir Marcial sa matag upat ka mga tuig nga kompetisyon.
Sila si Petecio ug Paalam gihatagan sa MVPSF og P5 million matag usa samtang P2 million kang Marcial.
Si Irish Magno, laing boksidor sa Pilipinas nga nikombati sa Tokyo apan wala nakadaog og medalya, gihatagan sab og P500,000 nga pahalipay.
Mismong ang mga boksidor ang nanghinaot nga mahatagan sab unta og pahalipay ang ilang mga coach ug gituman kini sa MVPSF.
Gipahigayon ang turnover ceremony ning bag-uhay lang diin mitambong sila si MVPSF chairman Manny V. Pangilinan, Philippine Olympic Committee (POC) president Abraham Tolentino, MVPSF president Alfredo S. Panlilio, MVPSF trustee and Abap president Victorico P. Vargas, Abap secretary-general Edgar Picson, ug MVPSF executive director Jude Turcuato all present.
“Nitong mga huling araw, napakaraming tao na amin pong pinasalamatan, pero kakaiba ang pasasalamat namin sa MVPSF,” batbat ni Petecio nga napatik sa www.abs.cbnnews.com.
“Simula po sa paglakbay namin sa Abap, hindi ninyo kami pinabayaan... mga panahon na nabigo kami, natalo, lumuha, nung walang pumapansin sa amin, nandyan na po ang MVPSF, 100 percent pong sumusuporta sa amin para maabot namin ang mga pangarap namin, hindi lang para sa amin, para na din po sa pamilya namin at sa bansa.”
Gipasalig ni Pangilinan nga dayong mosuporta ang MVPSF sa Abap, nga kasamtangang nagtutok na alang sa 2024 Olympics.
“Isang patakaran sa aming grupo is walang iwanan. We’ll be here for you wherever you might go,” batbat ni Pangilinan.
“We have to prepare you for your next boxing events: SEA Games, Asian Games and Paris (2024 Olympics).”(ESL)