ANG Cebu Caritas Inc., social development ug charitable arm sa Roman Catholic Archdiocese of Cebu, nipaila sa bag-ong logo ug social media accounts.
Inspirasyon niini mao ang mabulukon ug alegre nga Sinulog festival, tradisyonal nga kasaulogan sa Sugbo nga nagsaysay sa istorya sa mga Filipino kaniadto ug ang ilang pagdawat sa Kristiyanismo.
Ang mga balhibo nagsunod sa Caritas’ mother logo, nga pula, yellow, ug blue.
Ang kolor dunay iyang ipasabot sa matag usa. Ang pula nagrepresentar sa Holy Child Jesus, yellow sa ecclesiastical color sa Archdiocese of Cebu, ug blue alang sa Marian devotion sa Blessed Virgin Mary.
Unan sa bisyon sa organisasyon, ang logo milangkob sa mensahe sa sosyodad nga gigiyahan sa Gospel values sa justice, peace, love, ug integrity of creation nga nahimong mabulukon ug kaugalingong pagkamalambuon.
Dungan sa paglusad sa bag-ong logo, mao ang relaunching sa Cebu Caritas Inc. nga official Facebook page ug ang official Instagram ug Twitter accounts.
Pinaagi niini, ang CCI kanunay na makapaambot sa ilang mga programa ug mga kalihokan pinaagi sa nagkalainlaing social media platforms. Follow @cebucaritascci on Facebook, Instagram, ug Twitter aron masayod. (PR)