Mortuary freezer sa Cebu City magamit na

    ■ ANDAM NA: Magamit na kining mortuary freezer nga hinuwaman sa Dakbayan sa Sugbo alang sa mga patay nga di pa malubong panahon ning pandemic. Dako og tabang kini sa kabos nga mga pamilya kay wa kini storage fee. / Amper Campaña
■ ANDAM NA: Magamit na kining mortuary freezer nga hinuwaman sa Dakbayan sa Sugbo alang sa mga patay nga di pa malubong panahon ning pandemic. Dako og tabang kini sa kabos nga mga pamilya kay wa kini storage fee. / Amper Campaña

MAGAMIT na ang mortuary freezer sa Cebu City Government para maoy pundohan sa mga minatay nga dili dayon malubong.

Si Konsehal Dave Tumulak sa interview sa Agusto 31, 2021, nagkanayon nga hingpit nang nakumpleto ang pag-istalar sa storage facility nga gipahuwam sa Alin Group of Companies aron adunay magamit ang City Governmnet niining panahon sa pandemya.

Ang konsehal niingon nga adunay 24 ka patay ang masulod sa cadaver van nga gihulagway ni Tumulak nga dakong tabang sanglit dili na magbayad og storage fee ngadto sa funeral home ang pamilya nga namatyan.

Samtang ang Mandaue Eagles Club, Alsa Bisaya, Four D Ventures ug Nautilux Mining Corp. maoy nagtinabangay aron matukod ang 80 ka mga nitso aron malubngan sa mga makalas sa Covid-19 ug ubang mga sakit.

Si Cebu City Councilor Jerry Guardo maoy nagpasiugda sa kalihukan samtang nagpaabot pa sa gikinahanglang materyales ug manpower gikan sa City Hall.

Sa higayon nga mapirmahan na ni Mayor Edgardo Labella ug Archbishop Jose Palma sa Archdiocese of Cebu ang memorandum of agreement may labot sa pagtukod sa 290 ka nitso nga ipahiluna sa sam-ang sa Calamba, Carreta, Talamban ug Luz, mahimo nang makapagawas og pundo ang City Government aron masugdan na kini og tukod. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph