ANAA na sa 17,469 ang kinatibuk-ang ihap sa mga kaso sa coronavirus disease 2019 (Covid-19) sa Cagayan de Oro human nakatala kini og dugang 124 ka mga kaso.
Sa 124 ka kaso, usa niini locally stranded individual (LSI), usa ang returning overseas Filipino worker (ROF), ug 122 ang mga local transmissions.
Base sa datos sa City Health Office, sa 122 ka mga bag-ong lokal nga mga kaso, 52 ang mga local index nga mga kaso, 47 ang mga close contacts sa mga pasyenteng nagpositibo sa Covid-19, 12 ang mga local authorized persons outside residence (Apors), ug lima ang mga Apors with link.
Gawas ini, nakatala sab ang syudad og unom ka kumpirmadong patay.
Nisaka ang ihap sa mga aktibo nga kaso sa syudad nga niabot na sa 3,452.
Sa maong numero, 853 niini na-admit sa Northern Mindanao Medical Center ug uban pang mga ospital sa syudad, 2,586 ang mga outpatient, ug 13 ang mga ROFs/LSIs.
Aduna sab 118 ka dugang recoveries ang natala hinungdan nga niabot na sa 13,270 ang kinatubuk-ang ihap sa mga nakarekober nga pasyente.
Samtang, anaa na sa 747 ang kumpirmadong patay tungod sa Covid.