MIABOT na sa 3,714 ka mga nabakunahan nga mga indibidwal sa Cagayan de Oro ang mipositibo sa coronavirus disease (Covid-19).

Matud sa City Information Office, sa maong 3,714 nga mga vaccinees, 2,326 niini ang mga nabakunahan na sa Sinovac vaccine, 705 ang nabakunahan sa AstraZeneca, 248 ang nabakunahan sa Pfizer, 214 ang nabakunahan sa Sputnik V, upat ang nabakunahan sa Sinopharm, 211 ang nabakunahan sa Janssen, ug unom ang nabakunahan sa Moderna.

Sa 2,326 nga mga Sinovac vaccinees, 1,840 ang nakasinati og mild nga sintomas, 332 ang mga asymptomatic, 147 ang mga nakasinati og moderate nga sintomas, ug pito ang mga severe nga kaso.

Sa 705 nga mga AstraZeneca vaccinees, 523 ang nakasinati og mild nga sintomas, 129 ang mga asymptomatic, 49 ang mga nakasinati og moderate nga sintomas, ug upat ang mga severe nga kaso.

Sa 248 nga mga Pfizer vaccinees, 178 ang nakasinati of mild nga sintomas, 60 ang mga asymptomatic, ug 10 ang mga nakasinati og moderate nga sintomas.

Sa 214 nga Sputnik V vaccinees, 172 ang nakasinati og mild nga sintomas, 26 ang mga asymptomatic, ug 16 ang nakasinati og moderate nga sintomas.

Sa upat ka mga Sinopharm vaccinees, duha ka mga indibidwal ang nakasinati og mild nga sintomas, usa ang asymptomatic, ug usa ang nakasinati og moderate nga sintomas.

Sa 211 ka mga Janssen vaccinees, 155 ang mga indibidwal ang nakasinati og mild nga sintomas, 33 ang mga asymptomatic, ug 23 ang nakasinati og moderate nga sintomas.

Ug sa unom ka mga Moderna vaccinees, tulo ang mga asymptomatic ug tulo ang mga nakasinati og mild nga sintomas.

Kasamtangan, sa 3,714 ka mga coronavirus-positive nga mga vaccinees, 2,169 ka mga indibidwal ang mga fully vaccinated.