PADAYON misaka ang mga bag-ong kaso sa Cagayan de Oro human kini mitala og 100 ka mga kaso, matud sa report sa City Health Office Sabado, Setyembre 4, 2021.

Matud sa City Health Office, sa 100 ka mga bag-ong kaso, usa niini locally stranded individual (LSI) ug 99 ang mga local transmissions.

Sa 99 ka mga bag-ong lokal nga kaso, 52 ang mga lokal index nga mga kaso, 28 ang mga local cases with link, siyam ang mga lokal authorized persons outside residence (Apors), upat ang mga Apors with link, ug unom ang mga patay.

Ang Cagayan de Oro adunay 3,477 ka mga active cases, 850 niini na-admit sa Northern Mindanao Medical Center ug uban pang mga ospital sa syudad, 2,614 ang mga outpatients, ug 13 ang mga ROFs/LSIs.

Nakatala usab og 69 ka mga Covid-positive nga mga kaso nga karon naka-recover. Anaa na karon sa 13,339 ang ihap sa mga nakarekober nga mga kaso sa dakbayan.

Ang ihap sa mga namatay sa Covid-19 sa syudad anaa na sa 753.