3,849 ka Kagay-anons nga nabakunahan mipositibo sa coronavirus

ANAA na sa 3,849 ang mga indibidwal nga nabakunahan na nga nagpositibo sa coronavirus disease (Covid-19) sa Cagayan de Oro.

Matud sa City Health Office, sa maong 3,849 nga mga vaccinees, 2,413 niini ang mga nabakunahan na sa Sinovac vaccine, 725 ang nabakunahan sa AstraZeneca, 254 ang nabakunahan sa Pfizer, 225 ang nabakunahan sa Sputnik V, 219 ang nabakunahan sa Janssen, upat ang nabakunahan sa Sinopharm, ug siyam ang nabakunahan sa Moderna.

Sa 2,413 nga mga Sinovac vaccinees, 1,914 ang nakasinati og mild nga sintomas, 341 ang mga asymptomatic, 151 ang mga nakasinati og moderate nga sintomas, ug pito ang mga severe nga kaso.

Sa 725 nga mga AstraZeneca vaccinees, 539 ang nakasinati og mild nga sintomas, 133 ang mga asymptomatic, 49 ang mga nakasinati og moderate nga sintomas, ug upat ang mga severe nga kaso.

Sa 254 nga mga Pfizer vaccinees, 183 ang nakasinati of mild nga sintomas, 61 ang mga asymptomatic, ug 10 ang nakasinati og moderate nga sintomas.

Sa 225 nga Sputnik V vaccinees, 182 ang nakasinati og mild nga sintomas, 27 ang mga asymptomatic, ug 16 ang mga nakasinati og moderate nga sintomas.

Sa 219 ka mga Janssen vaccinees, 161 ang nakasinati og mild nga sintomas, 35 ang mga asymptomatic, ug 23 ang mga nakasinati og moderate nga sintomas.

Sa upat ka mga Sinopharm vaccinees, duha ka mga indibidwal ang nakasinati og mild nga sintomas, usa ang asymptomatic, ug usa ang nakasinati og moderate nga sintomas.

Ug sa siyam ka mga Moderna vaccinees, unom ka mga indibidwal ang nakasinati og mild nga sintomas, ug tulo ang mga asymptomatic.

Kasamtangan, sa 3,849 ka mga coronavirus-positive nga mga vaccinees, 2,248 ka mga indibidwal ang mga fully vaccinated.