ANAA na sa 17,834 ang kinatibuk-ang ihap sa mga kaso sa coronavirus disease (Covid-19) sa Cagayan de Oro human nakatala kini og 265 ka mga kaso sulod sa duha ka adlaw, usa niini locally stranded individual (LSI) ug 264 ang mga local transmissions.
Sumala sa report sa City Health Office, sa 264 ka mga bag-ong lokal nga mga kaso, 139 ang mga local index nga mga kaso, 66 ang mga close contacts sa mga pasyenteng nagpositibo sa coronavirus, 31 ang mga local authorized persons outside residence (Apors), 12 ang mga Apors with link, pito ang mga persons deprived of liberty (PDLs) ug siyam ang mga patay.
Ang ihap sa mga aktibo nga kaso sa Cagayan de Oro aduna na sa 3,621.
Sa maong numero, 896 niini na-admit sa Northern Mindanao Medical Center ug uban pang mga ospital sa syudad, 2,711 ang mga outpatients, ug 14 ang mga ROFs/LSIs.
Nakatala usab og 112 ka mga Covid-positive nga mga kaso nga karon naka-recover. Anaa na karon sa 13,451 ang ihap sa mga nakarekober nga mga kaso sa dakbayan.
Ang ihap sa mga namatay sa Covid-19 sa syudad anaa na sa 762.