ANG Children’s Shelter Cebu Inc. (CSCI), nanawagan sa mga ginikanan ug kaparyentihan sa mga menor de edad nga mokontak sa social workers nga sila si Alenaire Claire Olimpo, Glaiza Torres, ug Crisologo Secuya, o sa program director nga si Michelle Klaris Fe R. Cabansal sa 178-I.D Sun Valley V. Rama, Dakbayan sa Sugbo, o tawag sa (032) 254-2944.
Kon dili kuhaon ang mga bata sulod sa usa ka buwan, kini maghatag og higayon sa pagproseso sa papeles nga sila legal nga gibiyaan na.
Mao kini ang mga bata:
1.) Ivan Maceda, upat ka tuig ug 10 ka buwan, gipanganak sa Pastrana, Leyte. Siya gihatod sa usa ka konsehal sa Barangay Calamba, Dakbayan sa Sugbo. Si Ivan nasulod sa CSCI sa Agusto 9, 2019.
2.) Victoria Heather Diosana, 3 years ug 8 months old, natawo sa Dalaguete, Cebu. Siya unang gi-refer sa Municipal Social Welfare and Development Office (MSWDO) sa Alcoy, Cebu ug gibutang sa CSCI niadtong Hulyo 4, 2019.
3.) Niadtong Hulyo 1, 2016, alas 11:00 sa buntag usa ka bata nga lalake nga gibanabana nga duha ka adlaw gikan sa pag-anak gibilin sa wala mailhing babaye kang Christ Hannamae R. Cotoron sa gawas sa iyang panimalay sa Block 3 Lot 24, La Aldea del Rio, Zone Kasag, Kalawisan, Lapu-lapu City. Ang maong bata gihatagan na karon sa ngalang Elliezar Morillo.
Ang mga ginikanan ug kabanay ni Morillo giawhag sa pagkontak sa social worker nga si Mylen Y. Estardo sa Department of Spocial Welfare and Development Field Office VII, M.J Cuenco Ave. corner Gen. Maxilom Ave., Carreta, Cebu City o kontak sa 231-2172, 412-9908 ug 232-9505. (PR)