Hostage-taker pasakaan og daghang kaso sa pulis

Pasakaan og mga kaso ang lalake nga nang-hostage sa sulod sa Cebu City Medical Center (CCMC) human napusilan sa pulis human nisuway sa pagdunggab sa usa ka dalaga.

Niadtong Dominggo sa kaadlawon, Septiyembre 5, 2021, si Edsan Sanchez Rafols, gituohang ubos sa gahom sa illegal nga drugas, nang-hostage og duha ka babaye sa dalan Escaño, Barangay Ermita sa Carbon Public Market.

Si Rafols taga Villa Gonzalo 2, Barangay Tejero, Dakbayan sa Sugbo.

Matod ni Police Major Kenneth Paul Albotra, hepe sa Carbon Police Station, nadakpan si Rafols sa curfew apan nilighot sa mga pulis nga nakadakop kaniya.

Nisulod siya sa usa ka tindahan sa dalan Escano diin nagbitbit na og kutsilyo ug gitionan si Rowena Mae Dinopol, manindahay, ug ang iyang inahan nga si Conchita, bed-ridden.

Nisuway pa sa pagnegosasyon ang mga pulis nga buhian ang duha ka mga babaye apan nagdumili hinungdan nga nanawag sila og mga sakop sa Special Weapons and Tactics Team (Swat).

Sa pag-abot sa Swat, nisuway pa sila sa paghangyo nga dili pasakitan ang duha ka babaye ug mo surrender, apan wala gihapon sila panumbalinga.

Tungod niini, nakahukom ang Swat sa pagpusil dihang misuway nag duslak sa dalang kutsilyo sa mga biktima nga miresulta sa pagka igo sa tuong bukton.

Daling gidala si Rafols sa CCMC aron mapatambalan apan pinosasan ang mga kamot ug anaa na sa luwas nga kahimtang.

Mga kasong grave threat with condition, grave coercion nga kalapasan sa Article 151 ug alarm and scandal. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph