Martin: Homecoming wa madayon

Rolly Wagas / tampo
Rolly Wagas / tampo

Wa madayon ang Cebuano singer-composer nga si Rolly Wagas nga magbalikbayan unta karong September tungod lagi sa pagsaka na usab sa kaso sa Covid sa Pilipinas.

Ang musikerong si Wagas dugay nang nagbase sa California ug in demand kaayo siya didto sa mga party ug events. Usa usab siya sa ni-perform sa virtual gig nga gi-host sa kulomnistang si Mel Libre sa New Zealand atol sa Buwan ng Wika niadtong Agusto 29 diin lakip sa gikanta ni Ka Rolly ang iyang mga orihinal nga komposisyon nga “Bayani Ka” ug “Bato” nga gikan sa iyang bag-ong album ug ang signature hit niyang “Sugbo.”

Ni-perform usab ang mga inilang mag-aawit ug kompositor nga silang Manny Lapingcao (Phils) ug Rene Tinapay (Australia). Cheers!

YEN UG PAOLO

Kusog diay ang pelikulang “A Faraway Land” nga gi-produced sa MAVX Productions.

Mao ning salidaha nga giingong nagka-developay si Yen Santos ug Paolo Contis atol sa shooting nila sa Faroe islands sa Kingdom of Denmark.

Ang “A Faraway Land” nag-No. 1 sa Netflix Philippines sud sa duha ka adlaw nga streaming. Nag-No. 1 sad ni sa Qatar ug UAE ug nag-No. 8 sa Singapore ug No. 9 sa Kuwait.

Daghan tingaling nakuryuso mao nga daghan ang nanan-aw. Apan si Yen gyud kaha tong naa sa viral video nga kauban ni Paolo sa Baguio? Hala no sa kadaghang ulitawo nganong sa minyo pa?!

GI-QUARANTINE

Literal kuno nga naa ra sa ilang tagsa-tagsa ka kuwarto karon ang cast ug crew sa “FPJ’s Ang Probinsyano” ug walay puwedeng mogawas.

Naka-quarantine silang tanan ug suspendido sad ang ilang permit nga naka-lock in taping karon sa Ilocos human nag-positibo sa Covid ang usa sa ilang supporting cast.

Ang ilang taping sa Sept. 11 pa mo-resume kana kon wala nay mag-positive sa Covid. Ang nakapait kay namatyan sila og staff niadtong Sabado human giatake sa kasingkasing. Unsaon kaha na?!

LOVI POE

Kon tinuod madayon na ang pagbalhin ni Lovi Poe sa ABS-CBN mas exciting.

Kay kon magpabilin tinuod siya sa GMA hangtod sa hangtod wa gyuy mahitabo sa iyang career.

Tan-awa silang Janine Gutierrez ug Sunshine Dizon di ba nibalhin gyud. Partida pa na ha kay walay prangkisa. Unsa pa kaha kon naa no! Haha...

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph