3 ka mga siyudad gi-GCQ

3 ka MGA siyudad gi-GCQ. (File photo)
3 ka MGA siyudad gi-GCQ. (File photo)

GIUS-USAN sa Malacañang ang quarantine classification sa tulo ka mga siyudad sa Metro Cebu gikan sa modified enhanced community quarantine (MECQ) ngadto sa general community quarantine (GCQ) gikan sa Septiyembre 8 ngadto sa 30.

Mao kini ang pahibawo sa Malacañang sa Lunes, Septiyembre 7, 2021 human ilang giaprobahan ang rekomendasyon sa Inter-Agency Task Force (IATF).

Apan sa tulo, ang Siyudad sa Lapu-Lapu, sama sa Probinsya Sugbo, ubos sa GCQ nga dunay heightened restrictions. Nagpasabot nga mas estrikto ang pagpatuman sa mga restriction.

Gikan sa Agusto 1 ngadto sa Septiyembre 7, ang tulo ka mga siyudad ubos sa MECQ tungod sa grabeng pagsaka sa mga kaso sa coronavirus disease (Covid-19).

Apan nabantayan nga hinayhinay na kining mius-us sa duha ka mga semanang milabay.

BAKUNADO

Ang Emergency Operations Center (EOC) moduso og rekomendasyon ngadto sa Office of the Mayor pagpadayon sa paghatag og pabor ngadto sa mga vaccinated individuals niining panahon sa general community quarantine (GCQ) sa dakbayan sa Sugbo.

Ang paglambo sa quarantine level sa Cebu City gihangop ni acting Mayor Michael Rama, kinsa nitahas kang north district City Councilor Joel Garganera sa pag-convene sa EOC members diin siya deputy chief implementer para sa hiniusang aksyon pagpangandam sa dakbayan sa GCQ nga molanat hangtod Setyembre 30.

Si Garganera niingon nga nagkasinabot na ang mga representante gikan sa Philippine National Police, Philippine Army, business group, barangay officials, hospital administrators, head sa temporary treatment and monitoring facility, opisyal sa Department of Health ug national government nga ilang iduso ngadto sa Office of the Mayor para sa iyang pagtugot nga ang makapahimulos sa 50% nga capacity sa mga eatablishment nga gitugotan nga makaabli niining GCQ kadtong mga bakunado.

“Ang EOC maintain gihapon sa among endorsement nga kinahanglan nga mopakita sa ilang vaccine cards ang mga customer kon mo dine-in, mopatupi sa salon, una ka mosulod og indoor facility like fitness centers and spa para to encourage other individuals to be vaccinated becauase better safe than sorry,” padayag ni Garganera.

Ang al fresco kun pagkaon sa gawas sa establisemento limitahan usab ngadto sa 50 porsyento nga kapasidad.

Ang deputy chief implementer sa EOC niingon nga dili 100% nga dili matakdan ang mga vaccinated individuals, apan kini maoy manalipod kanila nga dili mahimong severe ang epekto sa virus sa lawas kon matakdan.

Apil sab sa iduso sa EOC ngadto sa buhatan ni Mayor Edgardo Labella, sanglit kutob ra kagahapon ang acting capacity ni Rama isip mayor, nga hatagan og laing prebelihiyo ang mga inbound travelers nga fully vaccinated pinaagi sa dili na pagpaningil kanila sa negative RT PCR-test result o antigen sa ilang pag-abot sa dakbayan.

Ang mga inbound traveler nga kanhi nagpositibo sa Covid-19 apan nahuman na sa ilang quarantine dili na pangayuan og RT-PCR o antigen.

Ang certification ra ang ilang ipakita basta nasulod pa sa unang tulo ka buwan gikan sa pag-isyu niini aron sila makasulod sa Cebu City.

Si Rama kinsa mobalik na sa iyang posisyon isip bise mayor kon mobalik na si Labella ugmang adlawa nagkanayon nga adunay laing EO nga iisyu ang Office of the Mayor aron maoy magsilbing basehan sa Cebu City hangtod sa Septiyembre 30.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph