GI-disqualify sa International Chess Federation (Fide) ang Pilipinas sa Online Olympiad Divison A human madiskobrehi nga usa sa mga player niini ang nakalapas sa lagda o nanikas.
Ang player, kansang pangalan wala ibutyag, giingon nga migamit og chess engine, usa ka computer program nga mohatag og solusyon sa mga moves atol sa kompetisyon.
Si Jayson Gonzales, ang national coach sa chess team, mikompirmar niini. Iyang giingon nga moapelar sila kalabot sa maong desisyon sa Fide.
Si Gonzales kinsa maoy presidente sa National Chess Federation of the Philippines, sa iyang suwat ngadto ni Fide president Arkady Dvorkovich, mipasabot nga ila nang gitangtangan sa master title ang maong player ug dili na kini nila paapilon sa national events.
“It is fair and prudent that the team should not be penalized by expulsion from the tournament as the particular suspected player does actions in her volition and not by the entire Philippine team,” pasabot ni Gonzales.
Ang Australia maoy mohulip sa Philippines sa Division A, sugod sa September 8 ngadto sa Septiyembre 11. (JBM)