KON wala’y kakulian, malaumon ang Philippine Basketball Association (PBA) nga masugdan nila ang ilang labing unang 3x3 tournament sa sunod buwan.
Hinuon gitataw ni PBA commissioner Willier Marcial nga sugdan lang nila ang bag-o nilang torneyo kon matugtan sila nga ipahigayon kini sulod sa Metro Manila.
Gipasabot ni Marcial nga lisod kon ipahigayon sab nila ang 3x3 league sa Bacolor, Pampanga diin giduwa ang Philippine Cup pinaagi sa semi-bubble setup.
“We are targeting to start by October but we can only do so if we are cleared to play in NCR,” pasabot ni Marcial sa interbyu sa GMA News Online.
“But everything has been laid out by the group of (Alaska) governor Dicky (Bachmann) and we’re good to go. We’re just awaiting formal approval to play in Metro Manila.”
Si Bachmann, kinsa maoy gitahasan sa pagdumala sa 3x3 league isip committee chairman, nagkanayon nga adunay 14 ka teams ang magkombati sa kompetisyon. (ESL)