MISAKA ngadto sa 3,921 ang ihap sa mga indibidwal nga nabakunahan batok Covid-19 nga nagpositibo sa virus sa Dakbayan sa Cagayan de Oro.

Matud sa City Health Office, sa maong 3,921, 2,453 niini ang mga nabakunahan sa Sinovac vaccine; 741 ang nabakunahan sa AstraZeneca; 258 ang nabakunahan sa Pfizer; 228 ang nabakunahan sa Sputnik V; 227 ang nabakunahan sa Janssen; upat ang nabakunahan sa Sinopharm; ug 10 ang nabakunahan sa Moderna.

Sa 2,453 nga Sinovac vaccinees, 1,945 ang nakasinati og mild nga sintomas; 350 ang asymptomatic; 151 ang nakasinati og moderate nga sintomas; ug pito ang severe nga kaso.

Sa 741 nga AstraZeneca vaccinees, 552 ang nakasinati og mild nga sintomas; 136 ang asymptomatic; 49 ang nakasinati og moderate nga sintomas; ug upat ang mga severe nga kaso.

Sa 258 nga Pfizer vaccinees, 186 ang nakasinati of mild nga sintomas; 62 ang mga asymptomatic; ug 10 ang nakasinati og moderate nga sintomas.

Sa 228 nga Sputnik V vaccinees, 185 ang nakasinati og mild nga sintomas; 27 ang mga asymptomatic; ug 16 ang mga nakasinati og moderate nga sintomas.

Sa 227 nga Janssen vaccinees, 167 ang mga indibidwal nga nakasinati og mild nga sintomas; 36 ang mga asymptomatic; ug 24 ang mga nakasinati og moderate nga sintomas.

Sa upat nga Sinopharm vaccinees, duha ka mga indibidwal ang nakasinati og mild nga sintomas; usa ang asymptomatic; ug usa ang nakasinati og moderate nga sintomas.

Ug sa 10 nga Moderna vaccinees, upat ang asymptomatic, ug unom ang mga indibidwal nga nakasinati og mild nga sintomas.

Sa kasamtangan, sa 3,921 ka positibo nga vaccinees, 2,300 ka mga indibidwal ang fully vaccinated.