SUPERBALITA CEBU

1 ka siyudad, 4 ka mga lungsod sa Sugbo gipangbahaan

MOABOT sa 62 ka mga pasahero ang nanga-stranded, lima ang gipangita, samtang upat ka mga lungsod ug usa ka siyudad ang labing apektado sa pagbaha epekto sa bagyong Jolina.

Sa kaadlawon sa Martes, Septiyembre 7, 2021, ang Northern Cebu gipaubos sa signal no.1 human kini kalit nga nikusog ug unang ni-landfall sa Samar sa Lunes sa gabii.

Subay sa impormasyon gikan sa Cebu Provincial Disaster Risk Reduction and Management Office (PDRRMO) gipaubos sa tropical cyclone signal number 1 ang Northern Cebu ingon man ang mga isla sa Bantayan ug Camotes.

Nalakip sa mga lungsod nga apektado sa pagbaha mao ang Borbon, Tabuelan San Remegio, Daanbantayan ug Dakbayan sa Bogo.

Samtang lima ka mga mananagat gikan sa Daanbantayan gisalbar sa DRRMO human na-missing sa ilang pagpugos sa pagpanagat sa lawod bisan sa hulga sa bagyo.

Sa uwahing update sa Dakbayan sa Bogo bisan sa pag-uwan, natala ang nagsunod nga sunog, diin usa sa mga apektado ang commercial building sa Pelaez St., Barangay Sto. Nino samtang ang usa mao ang tindahan sa mga kutson nga nahimutang sa Barangay Dakit.

Sa maong siyudad, nasinati ang pagbaha sa Barangay Cogon ingon man bukirang bahin niini.

Sa lungsod sa Borbon gipahibaw ni Mayor Noel Dotillos nga nasinati usab ang pagbaha sa barangay Poblacion, Cadaruhan ug Don Gregorio Antigua.

Tungod niini, duha ka mga pamilya o 10 ka mga inbdibidwal gipabakwit tungod sa pagsaka sa tubig.

Samtang sa lungsod sa Tabuelan 14 ka mga panimalay ang apektado sa pagbaha.

Wala na kini gipabakwit ang mga nagpuyo, apan gidad-an lang og relief goods ug supply ang mga residente.

Pagsiguro usab nga malikay sa disgrasya atol sa paglawig, moabot sa 62 ka mga pasahero nanga stranded sa San Remigio sa Hagnaya Port.

Mokabat usab og 25 ka cargo trucks ang natanggong human gisuspenso ang pagbiyahe sa 12 ka mga barko sa pantalan nga paingon na unta sa Santa Fe ug Masbate.

Ang lungsod mimando usab og forced evacuation sa mga lumolupyo sa 41 ka mga panimalay sa barangay Busogon.

Gawas sa nasinating pagbaha sa Daanbantayan, lima usab ka mga mananagat ang na rescue sa sakop sa DRRMO human na-missing atol sa pag panagat niini.

Base sa impormasyon ni Victor Tancawa, pangu sa Daanbantayan DRRMO, nga nalakip sa mga na rescue mao sila si Jessie Naraja 41 ug Pedro Lagahit, 55 nga unang na rescue sa Brgy. Tapilon; Eustekio Canillo Jr. ug 42 Francisco Canillo 35 nga na rescue sa barangay Maya ug si Marcos Dejicos Sr. nga napalgan sa barangay Malbago ang maong mga manangat naatlan sa pagkaguba sa engine sa ilang pump boat ug nadaot tungod sa kusog nga hapak sa balud.

Subay sa pagkutlo niining balita, wala pay natala nga danyos sa hitabo ang PDRRMO.(ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph