HAYAN makabakuna na batok Covid-19 ang mga anaa sa informal income earners sa gitagana sa lokal nga kagamhanan sa Davao City nga vaccination rollout sa People's Park nga nagsugod Septiyembre 6, 2021.
Sa report gikan sa City Information Office, ang mga informal income earners gilangkuban sa mga drivers lakip na ang mga motorcycle riders, public utility jeepney drivers, taxi drivers, delivery services (Food Panda, Grab, ug mga third-party food delivery), trisikad ug tricycle drivers, motorcycle owners, bicycle owners, ug mga riders; street vendors; kargador, laborers, construction workers; sales ladies/salesmen, sari-sari store vendors ug kadtong mga buot magpabakuna ang gina-cater na karon.
Ang People's Park vaccination hub modawat sa walk-in clients gikan Lunes hangtud Biyernes, alas 7:30 a.m. hangtud alas 11:00 a.m. alang sa mga first dose samtang alas 11:30 a.m. ngadto na 3:00 p.m. ang alang sa mga mag-second dose.
Kinahanglan nga magdala lamang og valid ID, DQR, magsuot og facemask ug face shield ug magdala og kaugalingong bolpen.
Giseguro sa LGU-Davao nga anaa sa 800,000 ang mabakunahan una mahuman ang bulan diin target sa siyudad nga makab-ot ang 1.2 million alang sa first dose sa bulan sa Nobyembre. (PR)