LABING minos siyam ka mga tawo ang nangamatay ug laing siyam ang missing human niigo ang bagyong Jolina nga nagdala og kusog nga hangin ug uwan nga nakaingon sa flash floods sa mga lalawigan sa Eastern Visayas.
Sa Samar, nangamatay giila nga sila si Ryan Jerusalem, 33, taga Tarangnan; Roy Carcellar, 52, ug Mark Jhun Nierras, 22, taga Daram; Bienvenido Marquez, 65, taga Catbalogan City; Alejandro Solayao, Sanieboy Ibayan, Joseph Imnas, ug Benedicto De Paz, tanan taga Tacloban City, Leyte, kinsa missing human managat sa kadagatan sa Santo Niño.
Tanang mga biktima mga mananagat nga wa makabantay dihang ang bagyo nikalit lang sa pagkusog ug ni landfall sa Samar ug Eastern Sama sa Martes, Septiyembre 7.
Sa Maasin, Southern Leyte, ang biktima giilang si Marcelo Sumarca Lolo, 22, kinsa grabe og samad sa ulo human siya nisuway sa pagkuha sa naglutaw nga floating raft gikan sa dagkong mga bawod sa Barangay Tagnipa.
Sa sayo sa buntag sa Miyerkules, Septiyembre 8, kadaghanan sa mga dapit nga apektado way kuryente.
Gipalihok na sa National Grid Corporation of the Philippines (NGCP) ang ilang line crews ug nisusi sa epekto sa bagyo sa ilang mga pasilidad. (Sunstar Philippines)