ARON pagsung sa kawsa alang sa mga kababayen-an ug kabataan bisan pa man sa panahon sa pandemiya, ipahigayon sa Zonta Club of Cebu II ang "Walk for Women: Zonta Club of Cebu II Virtual Walk" sugod Nobyembre 25 hangtod Disyembre 12, 2021.
Ang maong virtual walk, nga mamahimong salmutan sa tanan, usa ka fund raising nga activity matud ni Nonie Uy, ang Ways and Means Committe chair sa maong Club.
“In response to the escalating cases of domestic violence very much aggravated by this pandemic, our Club is directing our efforts towards the establishment of a Pink Room in Mandaue City and to rehabilitate the VAWC desk in strategic barangays in the Cities of Cebu and Mandaue to provide initial assistance to victims of violence particularly women and children at the barangay level,” matud niya atol sa usa ka virtual press launch of the activity niadtong Miyerkules, Septiyembre 8.
Ang Pink Room usa ka one-stop shop refuge alang sa mga biktima sa abuso diin mamahimo silang makapahimos sa legal, medikal, ug pinansyal nga tabang.
Kun kinsa katong interesado nga mosalmot sa maong kalihukam mamahimo nga morehistro pinaagi sa website nga zontacebu2walk.myruntime.com ug mo fill up sa mga gipangayo nga impormasyon alang sa rehistrasyon.
Ang registration fee anaa sa P750 alang sa tanang kategoriya ug hatagan ang mga partisipante og gratuity bag nga adunay sulod nga event shirt, water bottle, ug sun visor.
Matag distance adunay naka dedikar nga kawsa kon adbokasiya.
3 kilometers (3 km) - Say No to Teenage Pregnancy
5 km - End Child Marriage
10 km - Break the Chain of Inequality and Abuse
15 km - Stand Up Against Trafficking of Women and Children
21 km - Say NO to Violence Against Women
Matud ni Jacalan kinahanglan nga makompleto ang gipili nga distansya sulod sa usa ka adlaw ug ma record pinaagi sa usa ka activity tracker device diin makita ang petsa, distansya, ug duration sa walk.
Ang Zonta Club of Cebu II, nga adunay 55 ka miyembro ug duha ka mga honorary members, namugna niadtong 1984 sa Zonta Club of Cebu I.
Ang Club gilangkuban sa nagkalain laing mga propesyonal nga kababayen-an.
"We believe in the power and worth of women in building this country and dream of a society where rights of women are respected and projected," segun ni Atty. Mae Elaine Bathan, Chairman of Advocacy Committee. (WBS)