Ordinansa sa speed limit ipatuman sa Mandaue

■ SPEED LIMIT: Sunod tuig, di na makapataka pagpadagan ang kaskasero nga mga drayber kon moagi sa Dakbayan sa Mandaue kay ipatuman na sa Siyudad sa speed limit base sa ordinansa nga gipalabang. /Alan Tangcawan
■ SPEED LIMIT: Sunod tuig, di na makapataka pagpadagan ang kaskasero nga mga drayber kon moagi sa Dakbayan sa Mandaue kay ipatuman na sa Siyudad sa speed limit base sa ordinansa nga gipalabang. /Alan Tangcawan

SUGOD sunod tuig, ang Dakbayan sa Mandaue magpatuman na og speed limit sa tanang mga motor vehicle nga moagi sa dakbayan.

Ang makalapas multahan, apan wa pa gibutyag kon pila ug unsa ang mga silot nga ipahamtang.

Kini human gipasar sa Konseho sa ikaduhang pagbasa ang ordinansahaon nga gipangamahanan ni Konsehal Jimmy Lumapas sa ika-111 nga regualr session niadtong Septiyembre 8, 2021.

Niduso si Lumapas sa ordinansahon human nataho ang 2,400 ka mga aksidente sa dalan sa dakbayan nga natala gikan sa Enero 2020 ngadto sa Disyembre 2020.

Sa 2,400 ka mga aksidente, matod ni Lumapas nga 20 ang adunay namatay samtang 500 niini nangaangol.

Matod ni Lumapas nga tungod kay nagkadaghan sab ang mga sakyanan sa dakbayan sa Mandaue, di malikayan nga mosaka sab ang mga disgrasya.

Sigon niya nga nikonsulta na siya sa mga ahensya sama sa Land Transportation Office (LTO) ug Departmentof Public Works and Highways (DPWH) ug ubang mga siyudad kabahin sa paghimo sa ordinansahon.

Sa ordinansa, gibutyag nga ang mga sakyanan, motorsiklo ug uban pa nga susama niini, makapadagan lang og 80 kilometro matag tanka sa national primary road, 70 kilometro sa national secondary road, 60 kilometro sa national tertiary road, 40 kilomerto matag takna sa sa provincial road ug 20 kilometro matag takna sa barangay ug huot nga dalan.

Samtang ang mga truck, bus, tricycle ug uban pang susama nga sakyanan makadagan lang og 50 kilometro matag takna alang sa tanang national roads, 30 kilometro matag takna sa provincial road ug 20 kilometro matag takna sa barangay road ug ubang huot nga dalan.

Ang ordinansahon maaprobahan sa katapusang pagbasa sunod semana ug i-publish dayon kini.

Matod ni Lumapas nga sunod tuig na kini ipatuman tungod kay ang budget nga P2 milyones alang sa speed guns sa sunod tuig pa nga annual budget kuhaon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph