ANAA na sa 18,299 ang kinatibuk-ang ihap sa mga kaso sa coronavirus disease 2019 (Covid-19) sa Cagayan de Oro human nakatala kini og dugang 106 ka mga kaso.
Sa 106 ka mga bag-ong lokal nga mga kaso, 61 ang mga local index nga mga kaso, 16 ang mga close contacts sa mga pasyenteng nagpositibo sa Covid-19, 15 ang mga local authorized persons outside residence (Apors), ug unom ang mga Apors with link.
Gawas ini, nakatala sab ang syudad og walo ka kumpirmadong patay.
Nisaka ang ihap sa mga aktibo nga kaso sa syudad nga niabot na sa 3,773.
Sa maong numero, 916 niini na-admit sa Northern Mindanao Medical Center ug uban pang mga ospital sa syudad, 2,842 ang mga outpatient, ug 15 ang mga ROFs/LSIs.
Aduna sab 71 ka dugang recoveries ang natala hinungdan nga niabot na sa 13,743 ang kinatubuk-ang ihap sa mga nakarekober nga pasyente.
Samtang, anaa na sa 783 ang kumpirmadong patay tungod sa Covid.