Tuna Ironman Triathlon di madayon karong tuiga

Tungod sa quarantine restrictions nga giimplementar sa nasod, wala nay mapahigayon nga Century Tuna Ironman Philippines Triathlon event karong tuiga.

Ang mga nagpasiugda nakahukom nga adto na kini himuon sa Marso 6, 2022 sa Subic Bay Freeport sa Zambales.

Kini maoy ikatulong higayon nga ang maong event giuswag ngadto sa laing petsa. Orihinal kining gikatakda niadtong Oktubre 25, 2020 ug giuswag ngadto sa Hunyo 6, 2021 ug dayon karon na untang Oktubre 17.

Sa official Facebook page, ang mga organizers nipadayag nga ilang gihimo ang tanan aron kapreparahan ug alegre ang maong event uban sa pagsunod sa mga lagda batok sa Covid-19.

“Unfortunately, after consultation with Subic Bay Metropolitan Authority and based upon the ongoing COVID-19 pandemic and resulting guidelines and precautions, we regret to inform you that the event cannot take place in 2021 and will now return on March 6, 2022.

All registered athletes of the 2021 Century Tuna IRONMAN Philippines Presented by Big Boss Cement will be receiving an email with further information. If you have additional questions, please contact subicbay70.3@ironman.com,” post sa organizers sa ilang Facebook Page.

Sa samang higayon, mapasalamaton ang mga organizer ngadto sa mga atleta/participants kinsa nagpakita usab og taas nga pasensiya ug pagsabot sa sitwasyon.

Gipaabot nga moabot ngadto sa liboan ka mga athletes gikan sa nagkalainlaing nasod ang nagpalista na sa full-distance Ironman race.

Kini langkuban sa makutas nga 3.8-kilometer swim, 180k bike, ug 42k run. (JBM)