SUPERBALITA CEBU

Nalzaro: Hero apan way benepisyo

Saksi

Unang gitawag nga modern day hero ang overseas Filipino workers (OFW) kay sila nag-una sa dollar remittance dinhi sa nasud nga maoy usa sa nakapalambo sa ekonomiya. Apan kon adunay mabiktima nga mga OFW, labi pa ang kababayen-an kay giabusuhan sa ilang mga amo o mamatay didto, dili dayon matabangan sa kagamhanan. Daghan karon ang nangatanggong nga mga OFW labi pa sa mga nasud sa Middle East nga biktima sa abuso ug wala matabangi sa gobiyerno.

Karon nga ania kita sa pandemiya, ang mga modern day hero mao na usab ang anaa sa medical profession. Ang frontliners modern day hero tuod, apan wala hatagi og pagtagad sa kagamhanan. Dinhi sa ato, adunay gipang-hire nga nurses apan upat buwan walay nadawat nga suweldo. Mao nga karon nga nagkinahanglan na pud ang kagamhanan og nurses, wala nay nangaplay.

Sa nasudnong kagamhanan, ang medical workers mi-demanda nga ihatag ang gisaad nga Special Risk Allowance (SRA). Hinungdan nga nag-demonstrate ang uban didto. Karon, aduna na usay midemanda og usbaw sa ilang suweldo ug benepisyo gumikan sa kadelikado sa ilang trabaho.

Kanang proseso sa paghan-ay sa mga butang ug mga kalihukan agad sa ilang importansiya nga may labot ang usag-usa gitawag sa eninglis og prioritization. Sa pagsugod sa pamunuan ni Presidente Rodrigo Duterte, iya na kitang gi-ingan nga ang pagsumpo sa illegal nga drugas maoy numero uno nga hatagan niya og pagtagad o priority. Mao nga gituman niya ang saad nga pasakaan ang suweldo sa mga uniformed men kay lagi priority ang ilang trabaho.Subo lang kay miabot ang Covid 19 pandemic sa miaging tuig ug bisan lisud tingaling angkunon, apan kini nang pandemiya ang priority. Kon atong gamiton ang susamang logic sa paghatag og priority sa nakigkumbate sa pandemiya, dili sad malalis nga mas hatagan og pagtagad ang ilang yangongo, ilabi na gyud kay ania pa kita sa tali-wala sa dakong bugno batok sa kagaw.

Wala kitay kasayuran hangtod kanus-a makasustenir ang atong medical workers sa ilang pakigbisog. Kay labing seguro labihan ka taphaw ang pag-ulo-ulo kanila nga mga bayani apan wala hitsasi sa tanang kahimanan aron molampos sa ilang misyon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!