PORMAL nga nanumpa Biyernes, Septiyembre 10, 2021, ang 30 ka mga pioneering members sa Ormoc Tandaya Eagles Club of the Fraternal Order of Eagles-Philippine Eagles.
Ang aktibidad gisugdan sa usa ka motorcade palibot sa dabayan ug gisunod ang press conference.
Sa press conference gipasabot ni Regional Assemblyman Elvi Suficiencia ang tinguha sa ilang organisasyon ug nganong napili nila nga magtukod sa organisasyon sa Ormoc.
Matod ni Suficiencia, ang ilang club dunay himuon nga komitiba nga pangulohan sa mga miyembro nga eksperto bahin sa modern farming; fisheries; small and medium enterprise; logistics; health; information and technology; education ug community livelihood development.
Gipasabot usab ni Suficiencia nga napili nila ang Ormoc tungod sa lokal nga pamunoan nga naghatag og dakong suporta sa mga socio-civic organization.
Walay sagol nga pulitika
Giklaro sa usa sa mga club advisers nga si Mark Roa Gimenez nga wala'y sagol pulitika ang pagtukod sa organisasyon.
"The eagle is basically non-partisan, non-sectarian organization. But we can't prevent each member to have their own political leanings. But if you look at the composition of certain clubs, we have members who have different political arena or political camps" pasabot ni Gimenez.
Gitug-an usab ni Gimenez nga dunay mga pulitiko gikan sa managlahi nga partido nga apil sa ilang organisasyon lakip na si kanhi senador Bongbong Marcos; Bise Presidente Leni Robredo; Leyte Governor Dominic Petilla; Bise Gobernador Carlo Loreto ug Tacloban City Mayor Alfred Romualdez.
"As much as possible, we don't allow that the Eagles Organization will be used in politics or in partisan activities but we can't stop our members to have their own political leanings," dugang ni Gimenez.
Labing una sa Pilipinas
Gipasigarbo sa mga miyembro nga ang Eagles Club ang labing una nga socio-civic organization nga namugna sa Pilipinas.
"The Fraternal Order of Eagles - Philippine Eagles is the first Philippine-born socio-civic fraternal organization. That was 1979. Kaya kung titingnan niyo ang Eagles club may kuya at ate kasi we value the Philippine culture," matod ni Lenon Borja
Ang mga pioneer members sa Ormoc Tandaya Eagles Club mao sila si Club President Clint Edjec; Vice President Flaviano Centino; Secretary Jesus Felipe Subingsubing; Assistant Secretary Jefrey Gucela; Treasure Orlando Salino; Assistant Treasurer Simone Peter Avilles; Auditor Alipio Al Astilla; Asst. Auditor Rey Zaldy Rojas; Information Officer Jerome Anthony Vapor; Assistant Information Officer Cristobal Mendola II; Protocol Officers Romel Garces ug Olegario Paredes; Peace officers Ramil Caldona; Joel Teleron ug Arthur Veloso; Care chairman Joseph Sy; Commission on Elections officer Jay Merelos ug Grievance Chairman Paulo Cezar Fiel.
Ang maong aktibidad gipahigayon sa bag-ong bukas nga hotel sa Ormoc, ang Carlosta Hotel. (JKDP)