TALIWALA sa paningkamot nga makapadaghan pa sa ilang kapasidad sa higdaanan, ang Southern Philippines Medical Center (SPMC) nagpabilin nga puno tungod sa pagsutoy sa na-admit nga mga pasyente sa Covid-19.
Base sa bed capacity bulletin sa SPMC, ang intensive care unit (ICU) sa ospital ug ang ward beds padayon nga napuno sulod na sa lima ka sunod-sunod nga mga adlaw gikan Septyembre 6 hangtud 10, 2021.
Namatikdan sab nga ang ICU beds sa ospital mitaas gikan 92 niadtong Septiyembre 8 ngadto sa 103 sukad Septyembre 10. Samtang ang ilang ward bed mitaas gikan sa 496 hangtud 517 sa samang higayon.
Sa Facebook post sa SPMC, sayo niini, nagsulti nga ang ospital "experiencing an unusually high volume of patients needing admission for Covid-19."
"Please bear with us as we try to allocate rooms/beds and provide the healthcare you need. Thank you for your kind understanding," matud pa sa ospital.
Gisulayan og hinabi sa SunStar Davao si SPMC Chief Dr. Ricardo Audan, apan wala pa siya mitubag.
Sa bag-ohay lang nga paghinabi kaniya sa telepono, gisulti ni Audan nga di kini maoy unang higayon nga ang ospital napuno sa mga pasyente sa Covid-19. Matud niya nga ang ihap sa mga critical patients nga naghuwat nga ma-admit mas taas itandi sa miaging pagsutoy.
Nagtuo siya nga posibleng hinungdan niini mao ang mas isog ug paspas nga makatakod nga Delta variant.
"This has something to do with the Delta variant. Kasi ang characteristics ng hawahan is mabilis ang transmissibility, mabilis makaparami ng pasyente," pagtataw ni Audan.
Matud sa SPMC chief nga ang 44-bed modular hospital, nga gipatukod sa Department of Public Works and Highways, nakatabang aron nga moluag ang mga pasyente sa emergency room sa ospital.
Giangkon ni Audan nga ang manpower pabilin nga hagit alang sa Covid-19 response sa SPMC tungod sa kakuwang sa nursing staff.
Si Davao City Covid-19 Task Force Spokesperson Dr. Michelle Schlosser nagsulti atol sa paghinabi kaniya niadtong Biyernes, September 10, nga ang Covid-19 facilities hapit na sab mangapuno tungod sa padayong pagsaka sa mga kaso sa Covid-19 sa siyudad.
Kini human nga ang siyudad mitala og 700 ka mga bag-ong kaso niadtong Septyembre 9, ang pinakataas nga natala nga mga bag-ong kaso sa usa ka adlaw lang sukad nagsugod ang pandemya.
Gikanayon sab ni Schlosser nga mga bed capacities sa pribadong ospital sa siyudad nag-akomodar og pasyente sa Covid-19 hapit na sab mapuno.
Base sa bed capacity status sa rehiyon, ang Department of Health-Davao Region nagtaho nga 72 sa 168 kinatibuk-ang ward beds sa Davao City nagamit na, samtang 7 sa 11 ka ICU beds naokupahan na. Sa mga isolation beds sa siyudad, 77 sa 135 isolation beds nagamit na sab.