MIHATAG og donasyon nga mga ekipo sa gymnastics ang Philippine Sports Commission (PSC) ngadto sa Gymnastics Academy of Cebu (GAC) ning bag-uhay lang.
Plano sa PSC nga mohatag pa og dugang donasyon ngadyo sa GAC sa higayon nga molugak na ang mga restriksyon kalabutan sa Covid-19.
“We initially donated 23 rubber landing mats on Monday. We are expected to send more equipment to get them started on their grassroots sports development,” batbat ni PSC oversight commissioner for Visayas Ramon Fernandez sa interbyu sa www.abs-cbnnews.com.
Ang gym, nga nahimutang sa Labangon Elementary School, ioaubos unya sa renovation.
Batbat ni Fernandez nga mohatag puhon ang PSC og kompletong set sa gymnastics equipment lakip na niini ang balance beams, high, horizontal and parallel bars, pommel horses, flex floor systems, spotting blocks, trampolines, vaults, ug spring boards.
“Once Metro Manila goes to GQC (general community quarantine), we will be sending these equipment right away, as tasked by (PSC) Chairman (William) Ramirez,” dugang ni Fernandez.
Ang gymnastics usa sa natad sa sporting events nga adunay dakong poruhan ang Pilipinas nga makabira og medalya sa international competitions. (ESL)