SUPERBALITA CEBU

DOH 7 mitaho og 17 ka kaso sa Delta, 16 sa Cebu City

DOH 7 mitaho og 17 ka kaso sa Delta, 16 sa Cebu City. (File photo)

Ang Department of Health (DOH) Central Visayas nitaho og 17 ka dugang mga kaso sa Delta variant, ang 16 local nga pagpanakod sa Cebu City samtang ang usa overseas Filipino worker (OFW) nga gi-quarantine Manila.

Sa report ni Dr. Eugenia Mercedes Cañal, DOH 7 Regional Epidemiology and Surveillance Unit head, siya niingon nga ang samples nga gigikanan sa 16 gikuha gikan sa Agusto 8, 2021 ngadto sa 16 ug Agusto 26, 2021 sa OFW.

Matod niya nga ang OFW taga San Remegio.

Matod ni Cañal nga ang OFW usa ka tripolante sa barko ug niabot sa Ninoy Aquino International Airport (NAIA) sa Agusto 20, 2021. Iyang nahuman ang 14-ka adlaw nga quarantine sa Manila.

Ang OFW niabot sa Mactan Cebu International Airport (MCIA) ug gisugat sa ambulansya sa local government unit, matod ni Cañal.

Human ma quarantine ang OFW sa barangay isolation center (BIC) og usa ka gabii, gipailawom dayon siya sa rapid antigen test sa Septiyembre 1, 2021 ug napalgang negatibo, matod ni Cañal.

NAKA-RECOVER NA

Si Cebu City Councilor Joel Garganera, deputy chief implementer sa Cebu City Emergency Operations Center (EOC), niingon nga ang tanang dugang mga kaso sa Delta variant nga gitumbok nga gikan sa Cebu City naka recover na.

Matod niya nga di kini bag-ong mga kaso.

“These are not exactly new, these are at least a month old specimen,” matod ni Garganera.

Siya niingon nga ang mga pasyente gi-contact trace ug ang ilang quarantine gihimo.

Gitataw ni Garganera nga sa sayo pa sa Hunyo, bisan wa pa ma-detect ang Delta variant sa siyudd, ang EOC nagtuo nga naa na ang variant. (KFD, JJL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!