PORMAL nga gipasakaan na og kaso ni Senator Manny Pacquiao ang Pastor nga si Apollo Quiboloy.
Moabot ngadto sa P100 million nga danyos nga gipangayo ni eight-division world champion tungod sa pagpakatap og "fake news" kalabot sa giingon niini nga anomalusong proyekto sa Senador sa Sarangani.
Si Quiboloy, founder sa Kingdom of Jesus Christ church, mialegr kang People's Champ Pacquiao nga aduna kini P3.5 billion project sa iyang home province sa Sarangani.
Apan hugot kining gipanghimaka sa fighting senator kinsa mipasabot nga ang building nga gi-post ni Quiboloy sa social media niadtong 2016 dili kini maong edepisyo nga iyang gipa construct nga mokantidad lang og P300-P500 million.
Sa interview, gipadayag ni Pacquiao nga si Quiboloy nagmugna lang og isyu nga wa siya kahibawo.
Alang ni Pacquiao nga dili gyud unta angay manghilabot si Quiboloy sa gobiyerno ug angay nga motutok lang kini sa pag evangelize sa iyang mga disipulo nga mituo kaniya.
Ang alegasyon gipakatap ni Quiboloy sa dihang gibutyag ni Pacquiao ang grabing corruption ubos sa panggobiyerno ni Presidente Rodrigo Duterte nga nakapasuko sa nauwahi. (JBM)