SUPERBALITA CEBU

Lonzon: Pulitika, buhawi

Mata sa Agila

LUOY kaayo ang kahimtang sa mga molupyo sa lima ka mga barangay sa lungsod sa Tabogon, Cebu nga miigo ang buhawi. Minilyon ka pesos ang namugnang kadaot sa kabtangan nga naguba. Gianod ang mga mahalong isda sa fishpond, mga manok ug baboy sa farm nga gipanag-iya ni Kongresista Janice Salimbangon.

Dali nga nakatubag sa pagtabang sa mga biktima ang local government unit (LGU) sa Tabogon sa mga nahimong biktima.

Apan subo palandungon ang mga konsehal sa Tabogon sa tennis court naghimo og pulongpulong sa liderato ni Konsehal Francis Salimbangon. Atong hangyuon si Francis nga modagan man diay siya sa pagka mayor, unaha ninyo ang katawhan taliwa sa kalamidad.

Karon nga naa pa ang Covid-19 pandemic, nagkinahanglan ang mga tawo og tabang ug paghiusa mo kauban ang mayor nga anaa na sa katapusang termino.

Nakadawat ko og report nga way tambongtambong sa sisyon si Konsehal Salimbangon. Ug opisyal travel o business ang ibutang.

Nganong di man absent ang ibutang sa record? Sayon ra man sabton kay di man taga Tabogon si Francis ug ang iyang balay anaa man sa lungsod sa Consolacion.

Ug lumad taga Medellin ang iyang lola ug lolo. Ang balay sa iyang ginikanan nahimutang sa Barangay Lahug, Cebu City.

Pacquiao

Nakabantay ko sa mga lakang nga gihimo ni Senador Manny Pacquiao pinasubay gayud sa balaod.

Sa iyang mga reklamo batok sa mga trolls ug moataki niya pinaagi sa social media iyang isumbong sa proper authorities sama sa PNP Cyber Crime.

Sama sa grabing panaway ni Pastor Apolo Quiboloy iyang idangop sa korte aron pormal ipasaka ang kaso.

Kini maoy nakanindot sa pulitiko nga duol ni Lord ug nagtamod sa balaod mihimo ug maayong ehemplo si Pacquiao. mail:efrenlonzon71@gmail.com Text: 09235562777


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph