ANG City Health Office (CHO) nakatala og two digits nga kaso sa Covid-19, human sa duha ka semana nga nag-three digits ang mga bag-ong kaso sa Dakbayan sa Cagayan de Oro.
Base sa resulta nga gipagawas sa CHO, adunay 51 ka bag-ong mga kaso, pulos mga local transmissions.
Sa 51 ka mga bag-ong lokal nga kaso, 33 ang local index nga mga kaso, 11 ang mga local cases with link, lima ang mga lokal nga authorized persons outside residence (Apors), ug duha ang mga Apors with link.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 18,613.
Ang Cagayan de Oro adunay 3,843 ka mga aktibo ka kaso, 939 niini na-admit sa Northern Mindanao Medical Center ug uban pang mga ospital sa syudad, 2,889 ang outpatients, ug 15 ang mga returning overseas Filipinos/locally stranded individuals.
Nakatala usab og 100 ka mga coronavirus-positive nga mga kaso nga karon naka-recover na. Anaa na karon sa 13,975 ang ihap sa mga nakarekober sa dakbayan.
Ang ihap sa mga namatay sa Covid-19 sa syudad anaa na sa 795.