SUPERBALITA CEBU

Loreche: Dugang Sinovac doses miabot alang sa tibuok Sugbo

DRIVE-THRU. Ang drive-thru vaccination site sa SRP Noah Complex sa Dakbayan sa Sugbo nagpadayon. (Alan Tangcawan)

NAKADAWAT og bag-ong alokasyon nga 108,080 doses sa Sinovac alang sa mga dakbayan ug kalungsoran sa Sugbo kagahapon, Septiyembre 14, 2021, sumala sa Visayas Vaccination Operations Center (VVOC).

Si Dr. Mary Jean Loreche, ang tigpamaba sa VVOC, nagkanayon nga lakip sa mahatagan sa bag-ong alokasyon ang Cebu City, Mandaue City, Talisay City, lungsod sa Cordova ug tibuok probinsya sa Sugbo.

Mao kini ang madawat nga alokasyon sa nahisgutang lugar: Cebu City (46,000), Mandaue City (4,800), Talisay City (6,000), lungsod sa Cordova (1,000) ug ang Cebu Province (46,280).

Adunay gialokar nga 4,000 dose sa Sinovac alang sa Mitsumi Cebu, sigon ni Loreche.

Sigon ni Loreche nga ang maong mga lugar ang makadawat lang og alokasyon tungod nahurot na nipa og bakuna ang ilang mga alokasyon sa miagi ug wala nay nahabilin sa storage niini.

Sa laing bahin, gianunsyo sab ni Loreche nga nakab-ot na sa Sugbo ang isa ka milyon sa pagpamakuna sa unang dose.

Niadtong Septiyembre 13, miingon si Loreche nga ang VVOC nagtaho nikabat ang kinatibuk-ang bakuna nga naturok na ngadto sa 1,743,976 diin ang 1,020,541 dose niini alang sa first dose ug 723,435 dose alang sa second dose.

Bisan pa niini, miingon si Loreche nga wala nakab-ot sa Metro Cebu ang ilang target weekly vaccination sa Septiyembre 6-12.

Sa ilang target nga 141,750 dose nga maturok ang Metro Cebu aduna lay nabakunahan nga 23,672.

Lakip sa Metro Cebu mao ang Cebu City, Mandaue City, Lapu-Lapu City, Talisay City, Naga City, Minglanilla, Consolacion, ug Cordova.

Gitan-aw nilang Loreche nga ang rason sa maong pag-ubos tungod aduna gihapon mga tawo nga di pa hugot mutuo sa benepisyo sa bakuna ug ang uban mahadlok pang magpabakuna.

Tungod niini, padayon ang pag-awhag sa VVOC ngadto sa publiko nga magpabakuna na tungod mao kini ang usa sa paagi nga maablihan na ang ekonomiya ug kung aduna na usab pagsaka sa kaso dili na mapuno ang mga ospital, sigon ni Loreche. (KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!