SUPERBALITA CEBU

Ulitawo ‘gi-rape’ sa bayot sa Toledo

(Hulagway gikan sa Toledo City Police Station)

NAGKAANG kaang nga naglakaw ang usa ka 18 anyos nga traysikad driver human giingong lugosa sa usa ka bayot alas 4:50 sa kaadlawon sa Miyerkules, Septiyembre 15, 2021, sa Luray 1, Barangay Poblacion, Dakbayan sa Toledo.

Ang suspek nga si Jerny Mahidlawon Salvani, 24, kanhi caregiver, taga Sitio Drilling, Brgy. Luray 2, Dakbayan sa Toledo, nasikop gilayon sa kapulisan sa alas 6:30 sa buntag human nidangop si Boy (di tinuod ngan) sa ilang buhatan.

Si Police Staff Sgt. Alfredo De Gracia, imbestigador sa Toledo Police Station nga nahinabi sa Superbalita Cebu, nagkanayon nga si Boy namasahero bisan kaadlawon na.

Niabot si Salvani nga gihulagway nga nakainom gikan nilaag ug nitawag kaniya nga hatagan siyag P200 kay magpahatod sa ilaha bisan duol ra kay mga 10-15 metros ra ang gilay-on.

Si Salvani giingong namugos kang Boy, apan gibalibaran kay duna siyay pasahero.

Apan si Salvani gikatahong gusto nga kuyogan siya niini sa ilang balay aron didto ihatag ang P200.

Sa pagpunay og balibad ni Boy, giingong gikuptan siya ni Salvani ug gibunlot.

Ang lugar mingaw niadtong higayuna kay kaadlawon samtang dako og lawas ang bayot samtang siya gamay.

Dali ra niya gibinaklid ug giguroy ngadto sa ilang balay, dugang asoy ni de Gracia.

Wala makasinggit si Boy tungod sa iyang kahadlok kang Salvani.

Pag-abot sa panimalay, giingong gidasok siya ni Salvani, dayon gihuboan ug giingong gilugos.

Matod pa ni De Gracia nga gipahigda si Boy sa suspek dayon gipasud ang kinatawo sa sampot sa teenager.

“Luoy kaayo kay nagkaang- kaang ning biktima dihang nagreport kay pwerting pagkagubaa sa iyang ________, nagisi,” dugang ni de Gracia sa Superbalita Cebu.

Dugang ni Boy nga kusgan kaayo si Salvani hinungdan nga nabuong ang iyang pagka lalake.

Giklaro niya nga wala siya makasulay og pakighilawas og bayot.

Si Boy nisulti sa kapulisan nga mopasaka gyud siya og kaso batok kang Salvani.

Gipaabot sa kapulisan ang resulta sa medical examination ni Boy alang sa pagpasaka og kasong rape (sodomy).

Matod ni de Gracia nga si Salvani nanghimakak sa pasangil dihang gidakop.

Mialigar kini nga naglalis sila kalabot sa selpon ni Boy nga iyang gikuha.

Apan siya nabuko kay si Boy walay selpon.

Nangayo og pasaylo si Salvani, nagluhodluhod nga naghilak aron dili pasakaag kaso, apan si Boy wa mahaylo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!