SUPERBALITA CEBU

Bañacia: Pwede di una magbuntis?

GIPAHINUMDUMAN ni Nagiel Bañacia,pangulo sa Covid Response Team sa Dakbayan sa Lapu-Lapu, ang mga Oponganon nga lisod ang magsabak niining panahon sa pandemya.

Busa, alang sa opisyal nga kon mahimo, likayan una karong panahuna nga di magbuntis aron dili makasinati og problema sa pagpanganak.

Giluwatan kini ni Bañacia human nga adunay duha ka mga manganakay nga nag positibo sa coronavirus disease 2019 (Covid-19) ang nakaanak og ahat sa ilang ambulansya sa tungang gabii sa Septiyembre 15.

Kini human nga wa sila dayon makasulod sa delivery room sa Covid patient sa Lapu-Lapu City Hospital gumikan kay aduna say laing nanganak nga Covid patient nga gi-caesarian section niadtong tungora.

Ang ubang paanakanan di usab manawat og mga manganakay nga Covid-positive.

Gipasabot ni Bañacia nga dili unta kini angay sanglit risgo sa usa ka inahan ug sa iyang anak kay simbako matakdan ang bag-ong gipanganak nga bata.

Apan wala silay mahimo sa sitwasyon sanglit nagbati na ang duha ka mga pasyente.

Sa pagkutlo ning balita, gipahimutang na hinuon ang mga bata ug inahan sa Lapu-Lapu City Hospital.

Si Bañacia sa interview sa Sunstar Cebu niingon nga nag-andam karon ang Dakbayan sa Lapu-Lapu og dapit nga step down sa mga kaso sa Covid-19 nga dunay 280 ka beds.

Ang 10 niini alang sa mga mabdos nga dunay Covid. Ila usab kining butangan og paanakan sa mga dunay Covid.

Niadtong Sabado, Septiyembre 11, susama usab ang nahitabo diin aduna usay nanganak sa ilang ambulansya nga positibo sa Covid-19.

Niadto usang, Agusto adunay usa nga nanaganak nga nagpositibo ang iyang anak sa Covid-19 human sa 24 oras nga gipanganak ug nakabsan gayud sa kinabuhi. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!