SUPERBALITA DAVAO

Gitagalan hangtud sa Nobyembre

Hulagway iya sa CIO-Davao

GITAGALAN na lang sa lokal nga panggamhanan ang tanan niining empleyado hangtud Nobyembre 30, 2021 nga hingpit nang mabakunahan batok sa Covid-19.

Ang lokal nga panggamhanan nag-isyu og Executive Order No. 45 niadtong Huwebes, Septyembre 16, 2021, nga nagmando sa pagbakuna sa tanang mga empleyado sa siyudad, naglakip sa plantilla, job order, contract of service, ug volunteers alang sa Covid-19.

Ang EO, gilagdaan ni Mayor Sara Duterte-Carpio, nagsulti nga tanang mga empleyado kinahanglan nga "fully vaccinated" na.

"Department Heads and Chiefs-of-Offices, through their respective Administrative Officers, shall ensure that all personnel assigned in their offices are fully vaccinated on or before November 30, 2021," subay sa maong kamandoan.

Ang EO nagsulti nga kini responsabilidad sa Human Resource Management Office (HRMO) aron nga maseguro ug makig-koordinar uban sa Davao City Covid-19 Task Force Vaccination Cluster sa pagpasiugda ug pag-eskedyul sa bakuna sa tanang mga personahe sa gobyerno.

Ang administrative Officers sa nagkadaiyang buhatan sa lokal nga panggamhanan kinahanglan nga mosumite ngadto sa Personnel Benefits and Welfare Division sa HRMO sa listahan sa mga personahe nga ilakip sa vaccination schedule.

Mga empleyado nga di magpabakuna sa ilang scheduled vaccination date kinahanglan nga mosumite of sinuwat nga pagtin-aw nagdto sa HRMO.

Dugang sa EO nga kadtong mga personahe nga mobalibad nga mabakunahan sa Covid-19 vaccine silotan.

"The HRMO is tasked to monitor and validate the vaccination of all City Government of Davao personnel. Names of the personnel shall be validated by the HRMO with the Covid-19 Task Force Vaccination Cluster Data Management Team," matud pa.

Apan ang lokal nga panggamhanan naghatag og exemptions.

"A personnel may be exempted from the mandatory Covid-19 vaccination if his/her name is endorsed by the Vaccine Cluster Head to HRMO as exempted due to medical reason that is listed as a contraindication in all the available vaccines," section 4 sa EO nagkanayon, kon diin gawas niini wa nay laing rason.

Samtang gitubag sa mayor ang giingong paglapas sa Department of Labor and Employment Labor Advisory No. 3, nga gilagdaan ni Secretary Silvestre H. Bello III, nga nagkanayon nga "any employee who refuses or fails to be vaccinated shall not be discriminated against in terms of tenure, promotion, training, pay, and other benefits, among others, or terminated from employment."

"Wala man mi nag-terminate because all contracts end on December 31, 2021. So there is no termination to speak off," sigon pa niya.

Samtang si Department of Interior and Local Government-Davao Region Director Alex Roldan nagsulti sa SunStar Davao sa usa ka text message kanhiay nga ang lokal nga panggamhanan makahimo sa ilang polisiya bahin sa renewal of contracts.

"I am sure the mayor is aware that this is beyond the right to be employed, but this is about self-preservation," sigon ni Roldan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph