Biado, Orcollo nakaabante

NAGPADAYON ang kainit sa kampanya sa siyam ka mga Pinoyng tirador nga pinangulohan ni Carlo Biado human kini tagsatagsang mipukan sa mga kaatbang sa ilang ikaduhang duwa sa US Open Pool Championship sa Hannha’s Resort sa Atlantic City, New Jersey.

Ang World No. 14 nga si Biado mitipi sa Canadian nga si Vincent Beaurivage, 9-3, aron ikaharong sa sunod round ang two-time champion nga si Mika Immonen sa Finland.

Mao usab si Dennis Orcollo kinsa yanong milubong sa Amerikanong si Paul Sapaanstra, 9-2.

Malisod nga tahas ang sunod sagubangon ni Orcollo sanglit iya man nga ikasangka si 2001 US Open kingpin Corey Deuel.

Gipildi ni Deuel si Pedro Botta, 9-4, samtang si Immonen mipatapsing sa iyang kataganasod nga si Michael Yednak, 9-7.

Ang laing mga Pinoy nga ming-abante sa winners’ bracket mao sila si Roland Garcia, Jeff de Luna, Jeff Ignacio, Johann Gonzales, James Aranas, Roberto Gomez ug Warren Kiamco. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph