Kawatan ka 36 na napriso, nasikop

KAWATAN nga ka 36 na napriso subli na sab nga nadakpan sa Huwebes sa mga alas 6 sa buntag, Septiyembre 16, 2021 uban sa iyang kapuyo nga 18 anyos nga mabdos nga Akyat Bahay dihang ilang gisaka ang usa ka balay sa Barangay Dumlog, Dakbayan sa Talisay.

Sila si Crisanto Saraga, 36, ug iyang kapuyo nga si Franceng Dinglas, 18, mabdos og pito ka buwan, nasikop dihang nasakpan nga mobiktima na usab unta og boarding house sa dapit.

Nisaka na si Dinglas sa terasa samtang si Sarraga nagsilbeng lookout.

Apan nasakpan siya sa mga nag-abang sa boarding house samtang si Saraga wa na makadagan tungod kay gilibutan sa paril ang balay.

Matod ni Police Lieutenant Colonel Gerard Ace Pelare, hepe sa Talisay City Police Station nga sa ilang pag background check kang Saraga, ilang nasuta nga ka 36 na siyang nagsulod gawas sa bilanggoan tungod sa pagpangawat ug nalambigit sa illegal drugs.

“Based on our background check, this live-in partner, was imprisoned a lot of times because of robbery and is linked to illegal drugs,” matod ni Pelare.

Nag-edad pa og 8 anyos si Saraga dihang nadakpan na siya sa pagpangawat.

Si Jaymar Libot, messenger, niingon nga sa miaging semana nakawatan na siya og kwarta. Didto na siya masayod nga siya gikawatan pag-abot niya sa ilang opisina.

Sukad niadto, kada kaligo niya sayo sa buntag, iyang tagoan ang iyang cell phone samtang gi-on ang video.

Sa alas 6 pasado sa buntag sa Huwebes, mao gihapon ang iyang gihimo aron iyang masakpan kinsa ang nanguha sa iyang kwarta.

Sa iyang video, nakita nga si Dinglas nisulod sa lawak nga giabangan ni Libot.

Nanghiling siya sa bag ni Libot ug gikuha ang kwarta nga P1,300.

Nanghimakak unta si Dinglas nga siya nangawat, apan di na siya makapanghimakak sa video clip sa cell phone ni Libot sa iyang akto nga pagpangawat.

“Oo ako, Maam. Wala ko ka kuan ato, Maam. Wala man sad ko ka kuan kon nisaka ba ko atong balaya. kalit-kalit ra to, Ma’am, ba” saysay ni Dinglas sa GMA 7 Balitang Bisdak.

Si Pelare niawhag sa publiko sa pagbantay kanunay aron di mabiktima sa mga akyat bahay. (REV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph