NAKUHAAN og 180 gramos nga shabu nga dunay street value nga P1.2 million ang usa ka construction worker sa usa ka buy-bust sa Huwebes sa gabii, Septiyembre 16, 2021 sa dan A. Lopez, Dakbayan sa Sugbo.
Ang suspek giila sa City Intelligence Unit (CIU) sa Cebu City Police Office (CCPO) nga si Anthony Ebaw Zabala, alias Kaling, 25, taga sityo Mahayahay 2, Barangay Calamba, Dakbayan sa Sugbo.
Matod ni Police Lieutenant Colonel Randy Caballes nga si Zabala namaligya og illegal drugs sa Barangay Calamba ug kasikibit nga mga dapit.
Sa imbestigasyon, si Zabala niangkon nga usa pa lang siya ka buwan sa iyang illegal drug operation. (AYB)