Babaye nga namaligya og overpriced nga tambal batok Covid, sikop

(Tampo nga hulagway)
(Tampo nga hulagway)

SIKOP atol sa entrapment operation sa National Bureau of Investigation (NBI) ang usa ka babaye nga giingong namaligya og overpriced nga tambal batok coronavirus disease (Covid-19) sa Dakbayan sa Sugbo.

Subay sa giluwatan nga pamahayag NBI sa Septiyembre 17, 2021 giila ang suspetsado nga si Cherry Jalaron nga gikatahong nagbaligya og Tocilizumab sa poseur buyer sa NBI sa kantidad nga P97,000 ang usa lang ka vial.

Mas mahal kini kon itandi sa maximum retail price (MRP) nga P20,581.45 ang usa ka vial.

Ang maong tambal, maoy gituohan nga makatabang sa pagpamenos sa mortality rate sa severe cases sa Covid-19 patients.

Si Jalaron nasikop niadtong Septiyembre 13, 2021, alas 7:15 sa gabii diha wa Barangay Guadalupe, Dakbayan sa Sugbo.

Personal nga gitunol niya ang usa ka vial sa Tocilizumab ug midawat sa P97,000 nga marked money isip bayad sa tambal.

Ang maong operasyon giingong nahitabo subay sa hangyo ni Office of the Presidential Assistant for the Visayas (OPAV) Secretary Michael Dino nga susihon ang usa ka babaye nga ginganlan og Karen Go nga illegal nga namaligya sa maong tambal.

“After surveillance and verification, NBI-CEVRO confirmed the illegal activity," asoy sa NBI

“According to the arrested Subject, she is the secretary of Karen Go and was instructed by the latter to deliver the medicine,” dugang pa niini.

Si Jalaron, nakalapas sa Section 24 may labot sa Section 25 ubos sa Republic Act No. 9502 o ang Universally Accessible Cheaper and Quality Medicines Act of 2008.

Sa uwahing pakisusi, naka-bail si Jalaron apan padayon nga gipangita si Go sa mga awtoridad. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph