SUPERBALITA DAVAO

Kaso sa Covid-19 sa Davao del Norte padayong nitaas

Hulagway iya sa CDC

PADAYON ang Davao del Norte nga nakasinati og pagsulbong sa mga kaso sa coronavirus disease 2019 (Covid-19) kon diin mitala kini og kapin 800 ka kaso sa usa ka semana.

Si Davao del Norte Provincial Health Office (PHO) Head Dr. Alfredi Lacerona nagsulti sa virtual presser nga ang probinsiya nakasinati og pagsutoy sa mga kaso base sa natala nga mga kaso sa partikular nga yugto sa oras.

Matud ni Lacerona nga sulod na sa tulo ka semana, ang probinsiya nag-average og 100 ka bag-ong kaso matag adlaw.

Una sa pagsulbong, gibutyag niini nga ang probinsiya mitala og bag-ong 352 ka kaso alang sa bulan sa Agosto karong tuiga.

Alang sa unang semana sa Septiyembre, matud niya nga ang matag adlaw nga bag-ong mga kaso niabot na og 408 sulod lang sa usa ka semana.

Dugang sa opisyal nga ang probinsiya, alang sa ikaduha ug ikatulo nga semana sa Septiyembre, niabot na og 697 ug bag-ong 868 ka kaso sa usa ka semana, sa maong han-ay.

"Ingon ana ka paspas ang saka sa atong cases sa Davao [del] Norte," pagtataw ni Lacerona atol sa One Davao on Covid-19 virtual presser.

Nagtuo ang opisyal nga tungod kini matud pa sa pagtumaw sa Delta variants sa lugar.

Gitaho sa Department of Health-Davao Region (DOH-Davao) niadtong Lunes, September 13, 10 ka dugang mga kaso sa Delta gikan sa Davao del Norte angmiresulta ngadto sa kinatibuk-ang 20. Kadaghanan sa specimens gikan sa Tagum City.

"Considering sa kapaspas sa cases in Davao del Norte, murag mao na gyud nay hinungdan -- ang Delta variant," pagtataw ni Lacerona.

Ila na karong gipahugtan ang ilang contact tracing. Uban sa average 100 ka mga kaso matag adlaw, di kini sayon nga himuon.

Uban sa pagsaka sa mga kaso, gitug-an niini nga ang hospital utilization napuno na, nga makita sa ilang main Covid-19 referral hospital -- ang Davao Regional Medical Center (DRMC).

Napuno na sab ang ilang mga isolation facilities, hinungdan nga mapugos silang uban sa ilang mga pasyente mopailawom og home quarantine.

Base sa DOH-Davao bed capacity status, ang probinsiya dunay 26 sa kinatibuk-ang 51 beds nga nagamit, samtang 35 sa ilang 60 intensive care units (ICUs) nagamit na sab, ug 85 sa 131 isolation beds napuno na sab.

Alang sa DRMC, 74 sa ilang 111 ICU beds nagamit na, samtang ang 68 sa ilang 189 isolation beds nagamit na sab.

Tungod sa full occupancy sa ilang tertiary hospitals, naglakip sa DRMC, gisulti ni Lacerona nga si Governor Edwin Jubahib nagmando na sa provincial hospitals nga moakomodar og moderate patients.

Tug-an niya nga nakahimo sila sa pag-andam sa ilang provincial hospital pinaagi sa oxygen tank supplies. Dugang pa niya nga padayon silang nagreserba og dugang 5,000 tanks.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph