Dear Noy Kulas,
Tawga lang ko sa ngalan nga Betty, 40 anyos na ko ug naa na sa gawas nanimuyo kauban sa akong pamilya. Ang akong parents ug mga igsuon naa diha sa Cebu nagpuyo.
Ang akong problema kay tanang needs nila diha, ari man nako ilabay kay kuno daghan ko og kwarta. Tinuod maayo ko og trabaho diri naa koy mga anak nga gigastuhan unya ang akong bana wa na may klarong work tungod sa iyang edad.
Ang bati kaayo kay ila kong gipanabi nga nagtabang ko sa pamilya sa akong ex nga naa diha bisan kon ka usa ra ko nakapadala og money kay gipit kaayo siya adtong higayuna. In fairness kadto ra pud siya nidangop nako. Tinuod we still love each others so much until now but kutob ra diha.
Mao ni ang akong problema kay mouli unta ko diha kon maluag na ang travel restrictions sa Pilipinas, but di ko ganahan kay away ang gahuwat nako diha sa akong pamilya. Unsa may imong matambag, Noy Kulas?
BETTY
Bet,
Ang imong primary obligation mao ang imong pamilya diha sa abroad. Unsa may imong extra money nga mahatag nila, mao ra na ang imong ma extend. Wa ka mamn moanha diha alang nila, kon di alang sa imong kaugalingon ug sa mga bata. Di sila angay nga mamugos nimo kay in the first place, di nimo sila obligasyon nga primary. Ikaduha lang sila kay minyo ka na.
Ayaw kahadlok kay ang imong konsensya limpyo bisan tuod kon ang imong kasingkasing naa pa sa imong ex. Wa ka man mohatag kaniya tungod kay uyab pa mo,but out of pity sa iyang kahimtang. Sakto ra man sab. Hayan lisod na tingali ang panahon tungod kay nanangpit na siya nimo.
Ayaw una pag-uli kon di nimo initially ma settle ang inyong kasungian. Bati nga way maayong buot ang mosugat kanimo.
NOY KULAS
kulassuper@sunstar.com.ph