SUPERBALITA CEBU

Gwen milaum sa suporta sa mga mayor gikan sa ika-2, ika-7 nga distrito

GILAUMAN ni Gobernador Gwendolyn Garcia ang kinatibuk-ang suporta gikan mga mayor sa ikaduha ug ikapitong sa lalawigan sa Sugbo alang sa iyang kandidatura sa iyang subling pagpili isip gobernador sa Sugbo.

Matod ni Garcia sa iyang live press conference kagahapon. Septiyembre 17, atol sa Caravan sa Boljoon, nagpasalamat siya sa suporta nga gihatag sa mga mayor sanglit di siya mahimutang sa posisyon karon kung wala ang ilang suporta.

Ilabi na sa giatubang nga pandemiya diin matod pa nagkahiusa ang Sugbo sa pagpatuman sa mga lagda sa health ug safety protocols, bisan pa man dunay pagsaka sa mga kaso sa Covid-10 sa milabayng mga buwan ug niminos na usab kini karon.

Matod ni Garcia, nipasalig kaniya nga ang ikapitong distrito pinanguluhan ni Congressman Peter Calderon sa ilang suporta ngadto sa iyang kandidatura sa eleksiyon sa Mayo 2022.

“Kana lang gyud ang akong ikapasalamat kay without their full support, I don’t know kung mahimutang pa kaha ta karon sa atong gikabutangan. Like it or not we were faced with a challenge. Recently nisaka pero nanaog naman sad (kaso sa Covid-19),” matod ni Garcia.

Gihimug-atan usab ni Garcia nga way kasayuran si Red Durano sa iyang gihimo sa probinsya sa pag-atubang sa pandemya gumikan kay kutob lang kini sa ikalimang distrito.

Samtang, dason niya, di na usab solido sa mga Durano ang ikalimang distrito.

Posibleng nagpakaaron-ingnon kining way kasayuran aron pagpresentar og bakak kabahin sa iyang administrasyon, matod ni Garcia.

Kini human sa giingon nga comment ni Red Durano nga padaganon si kanhi Tourism Secretary Ace Durano isip kontra ni Garcia sa pagka gobernador tungod sa pamaagi sa probinsya sa pagdumala sa kahimtang sa panglawas taliwa sa pandemiya.

Matod ni Garcia, gihatag na niya ang desisyon sa katawhan kung unsa ang iyang tsansa kung mahinayon og dagan si Ace Durano batok kaniya sanglit di siya buot nga manghambog o magpakaubos sa iyang posisyon.

“Mao tong naay nag-comment nga si Red nga padaganun kuno si Ace tungod sa kahimtang sa probinsya. Well, because he was talking so many things bahin sa health. Ngano diay, unsa diay atong kahimtang? Okay ra man ta, di ba? I will just say one thing, it’s either he said that because he does not know any better and that can be excused kay kutob raman gud sila og fifth district,” matod ni Garcia.

Dugang sa gobernador nga karaan kining taktika sa pulitika nga nagpakaaron-ingon nga kahibalo apan walay walay gipresentar alang sa kabag-ohan.

“Political tactic gone by age that doesn’t work anymore, hoping to present something...,” matod ni Garcia.

Subay niini, matod ni Garcia, si Ace Durano pa lang ang iyang nadunggan nga posibleng mokontra kaniya.

Samtang, wa usab niya hatagi og igong pagtagad ang politika tungod sa giatubang nga problema sa pandemiya sa Covid-19.

“Gipadaplin usa nako nang politika. Hangtod karon wa gyud ko naghunahuna og kinsa may mokontra nako, sa eleksiyon,” dason ni Garcia. (MVE)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph