SUPERBALITA CEBU

Mongaya: Demolisyon diay unahon?

Panahom

Maayo kaayo pagkahan-ay ang depensa sa mga pabor sa demolisyon sa Carbon Market. Apan duna lang gyuy seryuso nga depekto. Wa nila matubag ang pangutana nga naa sa hunahuna sa tanan. Unahon diay ang demolisyon ug uwahi ang kabalhinan?

Bisan pa og boluntaryo ang demolisyon, dili pinugos, nga gipahigayon og Dominggo, nganong igo man lang silang saaran nga mahuman ang ilang kabalhinan nga stalls inig human sa pito ngadto sa 10 ka adlaw?

Nganong wa na lang gipahigayon ang voluntary demolition pagkahuman as interim market?

Unsay gidalian sa MOD kun Megawide Oppression & Demolition? Dunay go signal ang legal officer sa Cebu City Hall nga si Rey Gealon nga sugdan na ang demolition? Gisugo siya ni Mayor Edgardo Labella nga nagsigig sick leave? Gisugo siya ni acting Mayor Mike Rama bisan pa og wa pa ma-approve ang iyang MOA nga motambal sa mga inamaw nga probisyon sa Joint Venture Agreement?

O nagbuot-buot lang nga mura sab og mayor-mayor si Legal Officer Gealon?

Kon buot hunahunaon, illegal ug bunga sa bato ug itom nga kasingkasing kining mag-demolis og una atol og Dominggo unya wala pay kabalhinan. Dili baya dakog sweldo kining mga vendor nga makalahutay og kapin sa usa ka adlaw nga dili makapaninda og tarong kay gitukod pa ang ilang kabalhinan.

Hinuon, makaingon ko nga dunay itom nga agenda ang maong kalaki. Panghadlok kini nga ang mosupak, dili apilon sa interim market. Sampol alang sa uban.

Mao na ni karon, ipamugos gyud ang ilang modernong merkado daw.

Mobalik ko sa pangutana, nganong nagdalidali man ang Megawide Oppression & Demolition, dili na diay ang PROBE ang tigdemolis, nga wala pa man mauyoni sa Megawide ang MOA ni acting mayor Rama?

Nahadlok si Gealon nga maapsan sa temporary restraining order (TRO) ni RTC Judge Soliver Peras? Ipahangyo lang na nga ilangay sa inyong kauban nga suod ni Judge oi. Basin pa diay. Ngil-ad kon inyong buhaton apan murag desperado na man gud mo.

Dayon hapit na sab ang election period. Puwede pa ban nga makatukod og proyekto ang Megawide? Unsaon na man lang sab nga inig eleksyon mapildi hinuon ang mga manok sa Megawide kay wala diay makauyon ang mg Sugboanon sa proyekto?

Gusto kita og limpiyo nga Carbon Market apan kanang way masakripisyo nga mga vendor, magpabiling merkado, mga barato nga mga palitunon, ug alang sa mga kabus. Di man alang sa world class nga turista ang Carbon Market nga alang lang sa maka-afford og mahal. (DM nako sa @anol_cebu)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!