DAKPAN ang usa ka 29-anyos nga lalaki atol sa buy-bust operation sa mga sakop sa Philippine Drug Enforcement Agency (PDEA)-Davao Region alas 3 sa Sabado sa buntag, Septiyembre 18, 2021, sa Purok Uraya, Barangay Mankilam, Tagum City.
Giila ni PDEA-Davao Region Director Aileen Lovitos ang suspek nga si Karl Jason (bansagon gitago), molopyo sa maong lugar.
Sumala ni Lovitos nga napalitan sa ilang poseur buyer ang suspek og usa ka pakite sa gituohang shabu ng usa ka gramo kantidad og P10,000.
Dugang ni Lovitos nga atol sa operasyon, nakita sab sa mga awtoridad ang upat ka mga indibiduwal nga nag-shabu session sulod sa drug den nga nailhang silas Daisy, Felicisimo, Michael ug Carl David.
Nakumpiska sab ang laing tulo ka mga pakite sa gituohang shabu nga dunay timbang 11 gramos kantidad og P165,000 ug mga shabu paraphernalia.
Kauban nga mipahigayon sa operasyon ang Philippine National Police Regional Drug Enforcement Unit-Regional Special Operations Group, Davao Norte Police Provincial Office PIU ug Tagum City Police Station.(Jeepy P. Compio)