MINGHOY karon sa prisohan ang duha ka mga lalaki nga gikan sa Awang, Datu Odin Sinsuat, Maguindanao Province kinsa misulod sa Davao City nga nagdala og shabu.
Sa checkpoint pa lang sa Task Force (TF) Davao sa Sirawan, Toril, Davao City naharang na ang duruha nga sila alyas Rocky, 34, kinsa maoy nagmaneho sa Mitsubishi pickup, ug ang kauban niini nga si alyas Jojo, 21, pulos residente sa Awang.
Sa gipakusgan nga inspeksyon sa TF Davao sa mga mosulod sa dakbayan, wa misaler ang pagtago og druga sa mga nahisgutan.
Nasayran nga dihang girekisa sa TF Davao personnel ang sud sa sakyanan sa mga suspek, ilang nakita ang drug paraphernalia.
Nakuha sab sa posisyon sa usa ka suspek ang pakite sa gituohang shabu nga dunay balor P14,280.
Kasong pagsupak sa Republic Act 9165 kun Comprehensive Dangerous Drug Act of 2002 ang ipasaka batok sa mga dinakpan didto sa korte. (Jeepy P. Compio)