Nag-karaoke na ang legendary boxer nga si Oscar de la Hoya human nakagawas sa hospital tungod sa Covid-19.
Na-hospital og tulo ka mga adlaw ang boksidor nga gitawag og The Golden Boy tungod sa pagkaigo sa coronavirus.
Pila ka mga adlaw sa iyang paggawas sa hospital, nakabalik na kini sa iyang normal nga kinabuhi.
Gani, nakit-an si de la Hoya sa Pasadena nga nag-karaoke sa Der Wolf Bar, matod pa sa balita sa TMZ Sports.
Si de la Hoya mobalik na unta sa og away human sa 13 ka mga tuig nga pagretiro batok kang Vitor Belfort.
Apan tungod sa Covid-19 wala siya madayon ug gipulihan siya ni Evander Holyfield.
Ang 48-anyos nga si de la Hoya miretiro sa boksing sa tuig 2008 human siya gilupig ni Filipino boxing icon Manny Pacquaio. Si de la Hoya nalakip sa boxing Hall of Fame niadtong 2014. Sa iyang boxing career nahimo siyang kampiyon sa unom ka managlahi nga weight divisions. (RSC)