SUPERBALITA CEBU

Tepora nangayo’g pasaylo sa gitawag og Magnifico

Nahilot na ang isyu sa duha ka bisdak nga mga boksidor nga sila si Mark “Magnifico” Magsayo ug Jhack “El Kapitan” Tepora human nangayo og pasaylo ang naulahi kabahin sa iyang gipangbuhat sa social media.

Sa interbiyu sa Powcast Sports sa Youtube, gipadayag ni kanhi interim world featherweight champion Tepora ang iyang pagbasol sa iyang sayop diin iyang gihagit si Magsayo ug naabot na sa personal ang iyang pag-trash talk.

Gipasaylo pud dayon ni Magsayo si Tepora ug mibutyag nga normal lang sa usa ka tawo ang masayop.

“Apology accepted Jhack El Kapitan Tepora, lahat naman tayo nagkakamali, nagagawa lang yan para sa mga pamilya natin. Pare-pareho lang tayo nagsisikap para sa pamilya. Magtulungan na lang para umasenso tayo,” suwat ni Magsayo sa iyang opisyal nga Facebook account.

Giawhag pa ni Magsayo ang iyang fans nga kon pwede, suportahan ang Youtube page ni Tepora nga Jhack Tepora TV isip suporta sa boksidor.

Si Magsayo nagpadayong walay pilde (23-0, 15KOs) ug gikan sa impresibo nga 10th round KO nga kadaugan batok sa Mexicanong si Julio Ceja alang sa World Boxing Council (WBC) featherweight title eliminator.

Samtang si Tepora (23-1, 17 KOs) nangandam na aron makabalik na og away human sa duha ka mga tuig nga pagkabakante.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!