SUPERBALITA CEBU

Ayuda sa seniors sa dakbayan sa Mandaue ipaagi na sa ATM paglikay sa risgo sa Covid-19

Ipaagi na sa pag-withdraw sa ATM cards ang financial assistance sa senior citizens sa dakbayan sa Mandaue sugod karong Disyembre.

Matod ni Konsehal Cesar Cabahug Jr., chairman sa committee on senior citizens affairs, dili na magpahigayon og house-to-house distribution ang dakbayan tungod sa risgo nga mahatag niini ngadto sa senior citizens.

Si Cabahug nagkanayon nga ang mga senior citizen gikatakda nga makadawat sa nahabilin nga katunga sa ilang tinuig nga tabang pinansyal nga P4,000 sa Disyembre.

Niadtong Pebrero, ang tanan nga nagparehistro nga senior citizens sa Dakbayan sa Mandaue nagsugod sa pag-abli sa ilang kaugalingon nga mga ATM account sa Landbank, ingon ni Cabahug.

Ang bag-ong pamaagi sa pagpanghatag sa financial assistance dako nga ikatabang alang sa mga tigulang ug mga kawani sa kagamhanan sa siyudad nga maoy mag house-to-house sa mga barangay labi na karong panahon sa pandemiya, dugang ni Cabahug.

Ingon sa oras sa pamahayag, gisulti ni Cabahug gikan pa sa Pebrero aduna pay 6,000 ka ATM cards ang naabot na apan, ang nagpabiling 18,000 ka ATM cards giproseso pa.

Bisan paman ang tanang 24,000 ka ATM cards ipang-apud apod ngadto sa senior citizens karong Nobiyembre, sigon ni Cabahug.

Ang pagbutang sa ATM sa ayuba sa senior citizen usa usab sa paglikay sa pagtaod sa Covid-19. (KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!