SECTIONS
Superbalita Cebu
Wednesday, October 20, 2021
SUPERBALITA CEBU

P14.5M proyekto sa pagsemento sa dalan gi-turnover ni Kong. Ouano

NAG-SELFIE: Si 6th District Cong. Emmarie 'Lolypop' Ouano-Dizon nangulo sa pag-selfie uban sa mga opisyal sa dakbayan ug barangay niadtong Martes, Septiyembre 14./Alan Tangcawan

Kapin sa P14.5 milyunes nga proyekto nga sementadong dan sa mga Barangay Mantuyong, Canduman ug Casili ang gi-turnover ni 6th District Cong. Emmarie “Lolypop” Ouano-Dizon niadtong Martes, Septiyembre 14.

Matod ni Ouano-Dizon, gawas nga luwas ug lig-on ang sementadong karsada, ug sa ingon niana molungtad og dugay ang paggamit niini sa katawhan.

Mao usab kini ang rason nganong naningkamot og maayo si Cong. Ouano-Dizon sa pagpang-ayo ug pagpasemento og mga karsada sa mga lungsod sa Consolacion ug Cordova ug dakbayan sa Mandaue ubos sa iyang distrito.

Ang bag-ong gisemento nga karsada sa Mantuyong, Canduman ug Casili lain na usab kining dakong proyekto ni Cong. Ouano-Dizon nga makapaminus sa baha tungod kay giapilan man pagpahimutang og dakong drainage system.

Ang turnover ceremonies gitambongan nila ni Mandaue City Mayor Jonas Cortes, Vice Mayor Glen Bercede, Board Members Thadeo Jovito “Jonkie” Ouano ug Glenn Soco, Councilor Anjong Ouano Icalina, Department of Public Works and Highways (DPWH) District Engineer Daisy Toledo ug sa iyang engineering team, Barangay Captains Jun Urot ( Mantuyong), Capt. Dante Borbajo, ug Capt. Vidal Cabatingan ug ubang opisyales sa barangay.

Si Cong. Ouano-Dizon niingon nga ang maong mga karsada mapahimuslan kaayo dili lamang sa kapin sa 15 mil ka pamilya sa naasoy nga mga barangay, apan lakip na usab sa katawhan sa silingang mga barangay. Masayon na kanila ang pagbiyahe ug makatabang pagpalambo sa ekonomiya ug patigayon sa barangay.

Sa barangay Mantuyong, gipasiugdahan ni Ouano-Dizon ang road concreting uban ang drainage structure nga 130 metros ang gitas-on ug 4.5 metros ang gilapdon nga mokantidad og P2.5 milyones. Sa Canduman, gi-rehabilitate ang Hervacio Seno St. nga adunay 205 metros ang gitas-on ug 6.1 metros ang gilapdon nga mokantidad og P3 milyones samtang sa Casili, 720 metros ang gitas-on ug 5 metros ang gilapdon nga mobalor og P9 milyones.

Si Cong. Ouano-Dizon mipahalipay sa malampusong implementasyon sa DPWH sa maong mga proyekto ug miagni sa mga opisyal sa mga barangay nga atimanon ang maong karsada.

Iyang gidugang nga ang naasoyng mga proyekto nahimong posible pinaagi sa pagtabang nila ni Mayor Cortes ug ang city council, kinsa miayuda sa tanan niyang proyektong infrastraktura sa Siyudad sa Mandaue.

Sa iyang mensahe, si Cong. Ouano-Dizon mipahalipay sa mga opisyal sa mga barangay ug sa mga molupyo sa ilang pagpakabana sa kahimtang sa ilang mga karsada nga misangko gyud sa pagplano ug implementasyon.

Gikalipay usab niya ang paningkamot sa barangay officials sa pag-report sa ilang gusto nga mahitabo sa ilang barangay aron iya kining mahimoan og aksyon.

“Akong gidayeg ang gibuhat sa mga barangay officials in requesting for the said projects nga nagtimailhan nga ilang gipalambo ang ilang pagdumala sa barangays alang sa kaayohan sa ilang constituents,” matod ni KOng. Ouano-Dizon. (PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!