Dear Papa Joe,
Tawga lang ko sa ngan nga Sherly, 25 years old. Naa ko sa Bohol ug ang akong suliran kabahin sa gugma.
Actually, usa ko ka blind ug ang nagsuwat ani akong ig-agaw nga parte pud sa akong problema. Naa man gud koy ka chat mate nga nailaila nako sa inyong station ug wa gyud ko mosulti niya nga buta ko kay di man halata sa akong nawong kay normal raman akong mga mata tan-awon. Tagsa ra sad gyud mi mag video chat kay ako man siyang ingnon nga kalas sa load, mag Messenger nalang mi ug mag-pretend sad ko nga nakakita.
Mao na grabe na kaayo siya ka inlove nako ug magpada pa gani siya nako og kwarta pang allowance nga ang akong ig-agaw sad nga akong kauban, maoy mo-claim.
Unsaon man ni nako? Palihug tambagi ko.
SHERLY
Sherly,
Ang gugma daw buta pero para nako dili bungol. Sultihi siya sa tinuod. Bahin sa iyang mga padala, as long as wa ka mangayo nga tinuyo, pasabta lang sad nga nahimo nimog dawat tungod sad na nga nanginahanglan ka.
Ang pangutana lang diha, nahigugma ba sab ka niya kay kon the feeling is mutual, dako ang tsansa madawat ka niya. Pero mao lagi nay giingon nga ang sayop nga tikang makapandol gyud apan pagkat-on og bangon.
Papa Joe
(sa inyong tampo ipadala lang sa papajoesuperb@gmail.com)