“Enough of the reduction of truth,” matod ni Rev. Fr. Jonathan Rubin, atol sa iyang wali sa virtual nga misa nga nanukad sa San Pedro Calungsod Shrine sa Archbishop’s Residence compound sa dalan D. Jakosalem, Barangay Zapatera, dakbayan sa Sugbo kagahapon sa udto, Septiyembre 19, isip pag-abli sa 29th Cebu Press Freedom Week.
Hinuon, dunay pipila ka sakop sa media nga ningtambong sa misa ubos sa higpit nga health protocol.
Bisan sa pandemiya, dason ni Rubin, ang Cebu media nakahimo gihapon sa pagsaulog sa ikaduhang tuig ubos sa pandemiya, nagkatapok ug gihiklin ang kompetisiyon sa pagkuha og kasayoran aron pagpasalamat ug pasaulog sa pagsilbi ug pagpadayag sa kamatuoran.
Mapasalamton siya sa kalamboan ug inibasyon sa digital technology nga nagpahimugso sa social media ug tungod niini, ang naandang dakong kalihokan ug panagtapok naminos ngadto sa virtual sessions, sama sa gipahigayon nga misa.
Bisan pa niini, si Rubin mapasalamaton sa bag-ong teknolohiya diin nakaapekto sa kinabuhi sa mga tawo gikan sa pagka mechanical ngadto sa technological o gikan sa analog ngadto sa digital.
Uban sa kausaban, si Rubin nagkanayon nga kini nadala sa kalit nga pagbalhin sa mental orientations, emotions ug preserved values.
Dugang ni Rubin nga ang social media decentralize sa agianan sa kasayoran ug komunikasyon nga ang tanan naa sa virtual space nga nahimong posumer o producers ug consumers sa impormasyon sa samang higayon.
Ang matag usa gihatagan og gahom sa pagpaambit, paghimo sa impormasyon, dunay access sa taho bisan sa paghimo sa kaugalingong detalye sa taho, matod ni Rubin.
Sigon niya nga ang objective truth nikunhod ngadto sa personal nga tuyo o nahimong walay bili.
“A lie for many becomes truth for some or the other way around,” matod ni Rubin nga nipasupot sa iyang kabalaka.
Tungod niining kamatuoran, siya nipahinumdom sa media nga magpabiling magtamod sa essential rule of journalism nga basehanan sa truth-telling o pagpadayag sa kamatuoran ug pagsaysay sa saktong detalye nga walay pagtuis sa kaugalingong gusto ug walay lama sa personal nga interes.
“Hope of healing as one will never happen if each one sticks his own personal interests and preferred truth,” dason niya.
Base sa una ug ikaduhang pagbasa sa misa, nagpasabot sa pagbaton sa kamatuoran ug nagpahinumdom sa mga magtutuo sa pag-angkon sa hingpit sa kamatuoran, dugang ni Rubin.
“True enough to possess to share, to speak out the truth is no way walk in the park. It entails facing and embracing pains and sufferings. However, we should not be afraid as we are also assured as the Responsorial Psalm goes our God and Lord upholds our life,” pagpasabot ni Rubin.
Ug niini, “Enough is enough,” dugang ni Rubin, samtang sila nag-ampo ug naglaum sa pagserbisyo sa kamatuoran ug pagka matinud-anon. (KFD)